Хаартыска: Мичил Яковлев. ХИФУ.
Хотугулуу-Илиҥҥи федеральнай университеты бүтэрбиттэргэ анаан Өлүөхүмэ уонна Томпо улуустара 138-тыы, Эдьигээн эбэҥки национальнай улууһа 17 вакансияны көрөллөр. Эдэр исписэлиистэри олорор дьиэнэн хааччыйаллар, үлэлиир сирдэригэр диэри айаннарын төлөбүрүн уйуналлар, ону тэҥэ, “Земскэй биэлсэр” уонна “Земскэй дуоктар” бырагыраамалар үлэлииллэр.
Быйыл Өлүөхүмэ улууһун үөрэҕин управлениета нуучча тылын уонна литэрэтиирэтин, саха, англия тылларын, математика уонна информатика, уо.д.а. биридимиэттэр учууталларыгар 47 вакансияны көрбүт. Управление начаалынньыга Андрей Солдатов бэлиэтээбитинэн, улуус балачча киэҥ, 23 муниципальнай тэриллиилээх уонна 54 нэһилиэнньэлээх пууннаах. Онон үлэ киин да, кытыы даҕаны нэһилиэктэргэ баарын этэр.
Өлүөхүмэ улууһун киин балыыһатыгар инфекционист, кардиолог, неонатолог, учаастактааҕы терапевт быраастарын вакансиялара бааллар. Эдэр исписэлиистэри өйүүр инниттэн үлэлиир кэмнэригэр дьиэнэн хааччыйаллар, Өлүөхүмэ куоракка дьиэ түүлэһиитин 50 % төлөнөр, оҕолоругар уһуйааҥҥа, оскуолаҕа миэстэ бэриллэр.
“Улууска үлэлиир сирдэриттэн тутулуктанан биир мөлүйүөнтэн икки мөлүйүөҥҥэ диэри төлөбүрдээх “Земскэй биэлсэр” уонна “Земскэй дуоктар” бырагыраамалар үлэлииллэр. Ону тэҥэ, ординатураҕа тус сыаллаах дуогабарга илии баттаһар былааннаах үөрэҕи бүтэрээччилэри кэтэһэбит”, — диэн кылаабынай быраас Анна Гаврильева кэпсиир.
Бу туһунан ХИФУ пресс-сулууспата суруйар. Салгыы ыйыллыбыт сигэнэн ааҕыҥ.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…