Хаартыска: ХИФУ.
Саҥа оҥоһук элэктэриичэстибэнэн хааччыйыы суох сиригэр — хонууга уонна көс олохтоох Уһук Хотугу норуоттар дьиэлэригэр элэктэриичэстибэнэн хааччыйар кыахтааҕын, Арассыыйа Билимҥэ уонна үрдүк үөрэххэ министиэристибэтэ иһитиннэрэр диэн ХИФУ пресс-сулууспата суруйар.
Тэрили оҥорууга ХИФУ Чукоткатааҕы филиалын уопсай дьиссиппилиинэлэр хаапыдыраларын үрдүкү преподавателэ Майя Артемьева уонна төрдүс куурус устудьуона Симеон Айневтегин үлэлээбиттэр. Кинилэр тэрил дьоҕуһун, илдьэ сылдьарга табыгастааҕын, эрэллээҕин уонна туһанарга тупсаҕайын бэлиэтииллэр.
“Температуралар араастаһыыларыттан элэктэриичэскэй эниэргийэни ылыы технологията 19-с үйэттэн биллэр. Сэрии саҕана элэктэриичэстибэни котелоктан ылаллара. Маннык тэриллэри Арассыыйаҕа номнуо оҥорон таһаараллар, ол гынан баран биһиэнэ оҥоһуутунан уонна куттала суоҕунан уратылаах. Ону тэҥэ биһиэнэ атын ханыылыы тэриллэртэн икки төгүл чэпчэки”, — диэн Майя Артемьева кэпсиир.
Саҥа тэрили Чукотка ураһаҕа олорор көс норуоттар күннээҕи олохторуттан уонна элэктэриичэстибэнэн хааччыйыыны ирдииллэриттэн толкуйдаан оҥорбуттар. “Үөрэнээччим Симеон Чукотка төрүт олохтооҕо уонна олоҕу-дьаһаҕы, кыһалҕалары үчүгэйдик билэр. Бу билиитэ кини өйүгүн олоххо киллэрэригэр хамсаттылар. Тымныы айылҕалаах Чукотка уонна Саха сирин усулуобуйаларыгар бу технологияны туһанар табыгастаах”, — диэн Майя Артемьева быһаарар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…