Хаартыска: СИА.
Социальнай ситиминэн, мессенджеринэн: “Бүгүн М.К.Аммосов аатынан Хотугулуу-Илиҥҥи федеральнай университет уопсайыгар киирэллэригэр, устудьуоннартан сыллааҕы төлөбүрү олоччу ууран биэрэллэригэр эппит” – диэн сурук тарҕанна. ХИФУ хоруйун манна ааҕыҥ.
“Бүгүн М.К.Аммосов аатынан Хотугулуу-Илиҥҥи федеральнай университет уопсайыгар киирэллэригэр, устудьуоннар сыллааҕы төлөбүрү 20 760 солк. олоччу ууран биэрэллэригэр эппиттэр. Устудьуон улахан аҥаарыгар итиччэ харчы суох” – диэн ис хоһоонноох сурук тарҕанна.
Чахчытын билээри ХИФУ пресс-сулууспатыгар төлөпүөннээтибит. Онуоха: “Бу олоҕо суох иһитиннэрии, устудьуоннар бастакы симиэстири эрэ төлүүллэр.
Университет официальнай саайтыгар, ТГ-ханаалын тарҕатыытыгар уонна онно суруллубут эрэ биллэриилэргэ сигэниҥ: https://t.me/svfunews. Итинтэн атын барыта олоҕо суох.
Университет Устудьуоннар куораттарыгар олоруу табыгастаах, тоҕоостоох буоларын туһугар кыаллары барытын оҥорор. Ханнык баҕарар быһаарыылар, ол иһигэр үпкэ-харчыга сыһыаннаах, устудьуоннар интэриэстэрин көрөн ылыныллаллар” – диэн Хотугулуу-Илиҥҥи федеральнай университет пресс-сулууспата хоруйдаата.
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…
Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын…
Өрөспүүбүлүкэбитигэр «Үһүс көлүөнэ оскуолата» тэриллэн үлэлээбитэ балай да кэм ааста. Аҕам саастаах дьон, дьиэҕэ хаайтаран…
Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.…
Арассыыйа норуотун артыыһа Лариса Долина кини кыбартыыратын атыыласпыт Полина Лурьеҕа 112 мөл. солк. төнүннэрэр санаалааҕын…
Дьокуускай куорат эмиэ биир сыл буолан баран, Уһук Илин уонна Арктика сыыппара киининэн кубулуйда. Төрдүс…