ХИФУ устудьуоннара дойду таһымнаах куонкуруска ситиһиилэннилэр

Хотугулуу-Илиҥҥи федеральнай университет устудьуона Валентина Михайлова  «МОЛОДЫЕ ЛИЦА СТРАНЫ 2023» XVII Арассыыйатааҕы куонкурус түмүгүнэн вице-мисс буолла.

Бу суолталаах тэрээһиҥҥэ дойду 34 эрэгийиэнэ кыттыыны ылла.   Куонкуруска вице-мисс аат  биэс устудьуон кыыска (Саха сирэ, Санкт-Петербург, Волгоградскай, Архангельскай уонна Пензенскэй уобаластар) тигистэ.  Валентина Михайлова ХИФУ Омук тылын филологиятын уонна регионоведениетын институтугар үөрэнэр.  Кини «Мисс грация» номинацияҕа эмиэ кыайда.

Маны таһынан, дойду таһымнаах куонкуруска ХИФУ РФ Хотугулуу-Илиҥҥи норуоттар тылларын уонна култууратын институтун устудьуона Максим Голомарев «Талаан» номинацияҕа «Уһук Илин уолана» («Мистер Дальний Восток») аакка тигистэ.

Ити курдук, Саха сирин ыччаттара төрөөбүт дойдуларын, үөрэнэр кыһаларын дорҕоонноохтук ааттаттылар.