Хаартыска: ХИФУ пресс-сулууспата
Хотугулуу-Илиҥҥи федеральнай үнүбэрситиэт устудьуоннара «AYAL | Страшные истории» биллиилээх канал ааптардарыттан «Сэрэтии» мистическэй триллер кылгас метражнай киинэтин уһулууга кытыннылар.
Бырайыак сыллааҕы үбүлүөйүгэр анаммыт киинэ иччилэргэ итэҕэйбэт устудьуон уонна кини доҕотторун туһунан кэпсиир. Толорооччу продюсер Валерия Нератова кэпсииринэн, хартыынаҕа Саҥа дьыллааҕы сынньалаҥ уонна «Таҥха» кэмигэр уопсайга хаалбыт устудьуон доҕотторун туһунан кэпсиир. «Триллер үс устуоруйаҕа олоҕурар: түмэлгэ мумия иччитэ, уопсайга кыыс дьикти түгэнэ уонна итирик киһи суолга кутталлаах дьылҕата. Киинэ түгэннэрэ Дьокуускайга биллэр-көстөр сирдэринэн эргитэр, оттон киинэ дьоруойдара — устудьуоннар, онон сюжеты өссө куталлаах оҥорор», — диэн бэлиэтээн эттэ кини. Биллэр артыыстары таһынан ХИФУ устудьуоннара эмиэ кыттыыны ыллылар. Киинэ режиссера ХИФУ устуоруйаҕа факультетын выпускнига Юрий Борисов.
Сүрүн оруолу толорооччу, устудьуон Эрэл Потапов кэпсииринэн, «Сэрэтии» киинэ дьиҥнээх устуоруйаҕа олоҕурар, олортон биирдэстэрэ эдэр киһиэхэ бэйэтигэр сыһыаннаах. «Манна бэйэбин оонньоон көрдөрдүм диэххэ сөп. Актердар хамаандатын олус сөбүлээтим — бары олус чаҕылхай, харизматичнай дьон. Киинэни уһулуу олус түргэнник ааста -барыта бастакы төгүлтэн кэриэтэ. Төһө да оруолум кылгас буоллар, олус долгуйбутум», — диэн дьоруой кэпсээтэ. «Сэрэтии» киинэни «MOST.Video» мобильнай сыһыарыы платформатыгар көрүөххэ сөп, диэн ХИФУ пресс-сулууспата иһитиннэрэр.
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…