ХИФУга “Архитон” өрөспүүбүлүкэтээҕи III күрэс саҕаланна

“Архитон” күрэс архитектордар, дизайнердар эдэр көлүөнэлэрин өйөөн аан бастакытын “МУУС УСТАР” бэстибээл “Ай уонна оҥор” трек иитинэн ыытыллар.  

Күрэс түмүктүүр түһүмэҕэр 10 улуус, 30 кыттааччы киирдэ: Чурапчы, Ньурба, Горнай, Сунтаар, Мэҥэ Хаҥалас, Ленскэй, Бүлүү, Усуйаана, Өлөөн улуустара, “Жатай” куорат уокуруга.

“Архитон” күрэскэ үс күн устата хамаанданан үлэ, туһалаах маастар-кылаастар буолуохтара, эспиэртэр, кесйодателлэр сүбэлэрин ылыахтара.

Тэрээһин сүрүн кэтэһиилээх ыалдьытынан (хедлайнер) архитектор, иллюстратор, преподаватель Андрей Киселев буолар. Кини — sintez.space   устуудьуйаны төрүттээччи, РАНХИГС уопсастыбаннай билимнэр институттарын эспэримиэнниир бырайыактыыр лабаратыарыйатын салайааччыта.

Тэрийээччинэн АЛРОСА уонна СӨ Үүнэр көлүөнэ пуондатын өйөбүлүнэн Үүнэр көлүөнэ паарката, М.К.Аммосов аатынан ХИФУ OREН технологическай урбаан киинэ, «Архитим» архитектура оскуолата, Ил Дархан иһинэн архитектура уонна градостроительства управлениета буолаллар. Бу туһунан «МУУС УСТАР» бэстибээл телеграм ханаалыгар сырдаталлар.