М.К.Аммосов аатынан Хотугулуу-Илиҥҥи федеральнай университет “Уопсастыба доруобуйата, доруобуйа харыстабылын тэрийии уонна социология” исписээлинэстэринэн билим хандьыдаата уонна дуоктара учуонай истиэпэнин көмүскүүргэ сэбиэти арыйарга көҥүлү ылла. Сэбиэти бэрэпиэссэр, мэдиссиинэ билимин дуоктара Надежда Саввина салайыаҕа.
“Диссертационнай сэбиэти тэрийии Арассыыйаҕа үрдүк үөрэх уонна билим систиэмэтин саҥардыы саҥа түһүмэҕэр көһүү усулуобуйатын уонна эрэгийиэҥҥэ мэдиссиинэ билимигэр үрдүк квалификациялаах исписэлиистэр ирдэнэллэрин кытта сибээстээх. Саха сирэ – Арассыыйа киэҥ сиргэ тарҕанан олорор нэһилиэнньэлээх улахан субъектарыттан биирдэстэрэ буолар. Онон доруобуйа харыстабылын кыһалҕаларын быһаарыыны тэрийии улахан суолталаах, ити ордук өрөспүүбүлүкэ бары сирин аҥаарыттан ордугар тайаан сытар Арктика эргин. Диссертационнай сэбиэт мэдиссиинэ билимигэр каадырдары көдьүүстээхтик бэлэмнииргэ, үөрэх уонна билим хаамыытын биир научнай-үөрэтэр комплексынан холбуурга уонна сөпкө тэрийэргэ туһалыаҕа”, — диэн ХИФУ мэдиссиинэҕэ институтун дириэктэрэ Николай Гоголев этэр.
Саха сиригэр доруобуйа харыстабылын эбийиэктэрин сыыйа саҥардан эрэллэр – сүрэх, тымыр киинэ үлэҕэ киирдэ, уочаракка онкология киинэ турар, доруобуйа харыстабылын атын даҕаны эбийиэктэрин тутар былааннаахтар. Манан сибээстээн, эрэгийиэн исписэлиистэргэ наадыйыыта ураты суолталанар.
“Биһиги институппут уопсастыба доруобуйатын уонна атын килиниичэскэй дисциплиналары кытта ыкса сибээстээх доруобуйа харыстабылын үөрэтиигэ улахан дьоһуннаах уонна быраактыкалаах билимҥэ улахан чинчийиилэри олоххо киллэрэр. Мэдиссиинэ институтугар үрдүк квалификациялаах билим-педагогика каадырдара үлэлииллэр. Ону таһынан, сайаапка ыыппыт исписээлинэстэрбитигэр Саха сиригэр уонна Уһук Илин уокурукка үлэлии турар ханыылыы диссертационнай сэбиэттэр суохтар”, — диэн дириэктэр эбэн этэр.
Санатан эттэххэ, ХИФУ мэдиссиинэҕэ институтугар Арассыыйаҕа уонна тас дойдуларга киэҥник биллибит билим үс оскуолата баар. Олор эрэгийиэҥҥэ уопсастыбаннай доруобуйа уонна доруобуйа харыстабылын үөрэтиигэ чинчийиилэри ыыталлар.
ХИФУ пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…