Салгыы
ХИФУга түүр норуоттарын этнокультурнай ситимнэрин үөрэтэр былааннаахтар

ХИФУга түүр норуоттарын этнокультурнай ситимнэрин үөрэтэр былааннаахтар

02.12.2022, 17:35
Бөлөххө киир:

Хотугулуу-Илиҥҥи федеральнай университет уонна Казахстан Өрөспүүбүлүкэтин Л.Н.Гумилев аатынан Евразийскай национальнай университет бииргэ үлэлэһиилэрин кэҥэтэр санаалаахтарын биллэрдилэр. Манна сахалар, казахтар уонна киргиистэр этнокультурнай ситимнэрин үөрэтиигэ билим бырагырааматын туһунан этиллэр.

“Хотугулуу-Илиҥҥи федеральнай университет уонна Казахстан Өрөспүүбүлүкэтин Л.Н.Гумилев аатынан Евразийскай национальнай университет бииргэ үлэлэһиилэрэ өссө 2014 сылтан саҕаламмыта. Бары толкуйдаммыт былааннар олоххо киирэллэригэр кэскиллээх буолла. Кырдьык, саха уонна казах норуоттара чугастар, онон төһөнөн элбэх билимҥэ кыттыгас чинчийиилэри оҥоробут да, соччонон биир уопсай устуоруйаҕа быһаарыыны дьэҥкэрдиэхпит. ХИФУ устуоруйаҕа бакылтыата бу хайысхаҕа күүстээх”, — диэн ХИФУ ректора Анатолий Николаев эттэ.

Билигин бу икки үрдүк үөрэх кыһалара “Хоту уонна Киин Азия археологията уонна этнологията” диэн ситимнээх үөрэх бырагырааматын олоххо киллэрэ сылдьаллар. Л.Н.Гумилев аатынан Евразийскай национальнай университет дэлэгээссийэтэ, Дьокуускай куоракка буолан ааспыт Хотугу пуорум иитинэн «Современные исторические и историко-антропологические исследования Евразии» норуоттар икки ардыларынааҕы билим-быраактыка сэминээригэр кытынна.

“Саха сиригэр уонна ХИФУга сылдьыыбыт биһиэхэ улахан чиэс буолар. Хас кэлиибит ахсын саха норуотун кытта аймахтыыбыт диэн санаабыт күүһүрэн иһэр. Тоҕо диэтэххэ, туохха барытыгар казахтарга чугаһы бэлиэтии көрөбүт. Кыттыгас үлэбитин булгуччу сайыннарарбыт ирдэнэр, үөрэнээччилэр ортолоругар эрэ буолбакка, икки өттүттэн преподавателлэр, үлэһиттэр үлэлэрин. Бу ырыппыт кэпсэтиилэрбит олоххо киириэхтэрэ”, — диэн Л.Н.Гумилев аатынан Евразийскай национальнай университет устуоруйаҕа бакылтыатын археологияҕа уонна этнологияҕа кафедратын сэбиэдиссэйэ Улан Умиткалиев бэлиэтиир. Бу туһунан ХИФУ пресс-сулууспата суруйар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 мая
  • 24°C
  • Ощущается: 23°Влажность: 33% Скорость ветра: 3 м/с

Сообщить об опечатке

Текст, который будет отправлен нашим редакторам: