Хаартыска: Светлана Давыдова тиксэриитэ
Саха сирин быраастарын биригээдэтэ Доннааҕы Ростовка РФ Оборуонаҕа министиэристибэтин уокуруктааҕы 1602-с байыаннай госпиталыгар үлэтин салгыыр. Бу Ил Дархан Айсен Николаев сорудаҕынан, кэллиэгэлэригэр-байыаннай хирурдарга баран көмөлөһөр үһүс биригээдэ буолар.
Хирург, суут-мэдиссиинэ эспиэрэ Анатолий Слепцов Ростов байыаннай госпиталыгар номнуо иккис төгүлүн командировкаланна.
“Бэйэм үлэбин ирдэнэр уонна наадалаах дии саныыбын. Суһал хирургия салаатыгар үлэлиибин. Бааһырбыт уонна эчэйбит байыаннай эпэрээссийэ кыттыылаахтарын эмтииргэ көмөлөһөбүн. Бэрэбээскилиибин, эпэрээссийэҕэ ассистенныыбын, сиэстэрэлэргэ сүбэ-ама биэрэбин, ону тэҥэ, туруктара мөлтөөбүттэргэ кэмигэр диагноһын туруорарга көмөлөһөбүн”, — диэн кини этэр.
Ол курдук, Анатолий Слепцов соторутааҕыта эпэрээссийэлэммит киһини бэрэбээскилии сылдьан үөһэ тэстибитин булан, суһаллык быраастарга иһитиннэрбит, онон ыарыһаҕы хаттаан эпэрээссийэлээбиттэр.
Саха сирин быраастара биһиги өрөспүүбүлүкэбититтэн сылдьар, эмсэҕэлээн байыаннай госпиталга киирээччилэри кытта үлэлииллэр. “Биһиги өрөспүүбүлүкэбититтэн сылдьар байыаннай эпэрээссийэ кыттыылаахтара бастакы көмөнү ылалларыгар, диагностааһыҥҥа уонна салгыы госпиталга эмтэнэллэригэр, эвакуацияланалларыгар көмөлөһөбүт. Кинилэртэн ыарыыларын туһунан туоһулаһабыт, РФ Бэрэсидьиэнигэр СӨ Бастайааннай бэрэстэбиитэлистибэтин сүрүннүүр киинигэр тиксэрэргэ ирдэнэр сибэдиэнньэлэри хомуйабыт”, — диэн Анатолий Слепцов эбэн этэр.
Санатан эттэххэ, Светлана Давыдова салайааччылаах быраастар мобильнай биригээдэлэрэ госпиталга тохсунньу 25 күнүттэн үлэлиир. Өрөспүүбүлүкэтээҕи 3-с нүөмэрдээх килиниичэскэй балыыһа хирург-бырааһа Денис Григорьев ириҥэлээх баастаахтар салааларыгар; анестезиолог-реаниматолог быраас Александр Потапов – реанимацияҕа; хирург-быраас, суут-мэдиссинэ бюротун эспиэрэ Анатолий Слепцов – суһал хирургия салаатыгар; психиатр-быраас, Өрөспүүбүлүкэтээҕи психоневрологическай диспансер кылаабынай бырааһын солбуйааччытын эбээһинэһин толорооччу Елена Мордосова – госпиталь психиатрическай салаатыгар; Өрөспүүбүлүкэтээҕи 2-с нүөмэрдээх балыыһа – Мэдиссиинэ суһал киинин нейрохирирургияҕа салаатын медбрата Айсен Скрябин – сосудистай хирургия салаатыгар үлэлииллэр.
СӨ Ил Дарханын уонна Бырабыыталыстыбатын пресс-сулууспата.
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…