Хаартыска: СӨ Ил Дарханын пресс-сулууспата
Саха сиригэр Ил Дархан Айсен Николаев көҕүлээбит “Хирургия мобильнай киинэ” сонун бырайыагы олоххо киллэрии саҕаланна. Бырайыак өрөспүүбүлүкэ улуустарын киин балыыһаларыгар үрдүк таһымнаах хирурдар хирургияҕа былааннаммыт анал көмөнү оҥороллоругар туһуланар.
«Бырайыак Саха сирин баһылыга Айсен Николаев “Эрэгийиэҥҥэ уопсастыба доруобуйатын бөҕөргөтүү уонна доруобуйа харыстабылын систиэмэтин сайыннарыы стратегическай хайысхаларын туһунан” ыйааҕын чэрчитинэн олоххо киллэриллэр. Бырайыак былырыын саҕаламмыт “Мобильнай биригээдэлэр өрөспүүбүлүкэтээҕи кииннэрэ” бырайыагы салҕааһынынан буолар”, — диэтэ СӨ доруобуйа харыстабылын миниистирэ Лена Афанасьева.
Хирургия мобильнай киинин бастакы сырыыта Нерюнгри оройуоннааҕы киин балыыһатыттан саҕаланна. Мобильнай хирурдар миэстэтигэр тиийэн эмтэнээччилэргэ сүбэ-ама биэрдилэр уонна былааннаммыт эпэрээссийэлэри оҥордулар. Бэҕэһээ иэччэх сүһүөҕэр эндопротезирование оҥордулар уонна эмтэнээччигэ рентгенэндоваскулярнай чинчийиини ыыттылар. Ону таһынан, бүгүн эмиэ атын эпэрээссийэлэри оҥордулар.
Мэдиссиинэ өрөспүүбүлүкэтээҕи тэрилтэлэрин үрдүк таһымнаах хирурдара ону сэргэ улуустарга көһө сылдьан эпэрээссийэлэри оҥоруохтара, биир идэлээхтэрэ инникитин итинник эпэрээссийэлэри миэстэтигэр бэйэлэрэ оҥороллорун туһугар кинилэри үөрэтиэхтэрэ.
Мобильнай хирурдары улуустарга ыҥырарга сайаапкалар хайыы үйэ СӨ Доруобуйа харыстыбалын министиэристибэтигэр киирдилэр. Хирургия мобильнай киинэ аныгыскыга Алдан Оройуоннааҕы киин балыыһатыгар барара былааннанар, кинилэр салгыы атын улуустарга эмиэ барыахтара.
Биригээдэ састаабыгар Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин араас хайысхалаах эмчиттэрэ киирдилэр. Биригээдэҕэ Оройуоннааҕы балыыһалар наадыйар исписэлиистэрэ: гинекология, травматология, ортопедия, колопроктология, рентген-хирургия, кардиология, неврология, эндокринология, сыҥаах-сирэй хирургиятын, отоларингология уо.д.а. ылыллаллар.
Санатан эттэххэ, дойду баһылыга Владимир Путин ураты болҕомтотун доруобуйа харыстабылын бастакы сүһүөҕэ сайдарыгар уурар. Бэрэсидьиэн көҕүлээбит “Доруобуйа харыстабыла” национальнай бырайыагын олоххо киллэрии түмүгүнэн, Саха сиригэр киһи олоҕун уһуна 73, 5 сааска тиийдэ, ону сэргэ сүрэх-тымыр уонна онкология ыарыыларыттан өлүү ахсаана аҕыйаата.
Сунтаар улууһугар ааспыт сылга норуот ырыаһыта, олоҥхоһут, сыанаҕа үҥкүү култууратын төрүттээччи Сергей Зверев-Кыыл Уола төрөөбүтэ…
Дьокуускай куоракка биир эр киһи атын киһи каартатын булан баран, туһана сылдьыбытын полицейскайдар туттулар. Бу…
Дьокуускайдааҕы национальнай гимназия үөрэнээччилэрэ аан дойду таһымыгар кыайыыны ситистилэр. А.Г. уонна Н.К. Чиряевтар ааттарынан Дьокуускай…
Кириһиэнньэ сөтүөтүн кэмигэр дьоҥҥо куттал суох буолуутун 630-тан тахса киһи уонна 140 тиэхиньикэ хааччыйда. Онно…
Суут ИДЬМ-тан табыллыбатах уоппуска иһин хоромньуну төлөттө. Дьокуускай куораттааҕы суукка куорат олохтооҕо СӨ Ис дьыала…
Сэрэбиэй көрүҥэ элбэх, биһиги олортон, сэрэбиэйдэниэх тустааххыт диэбэтэрбит даҕаны, быһа тардан билиһиннэрэбит. Атах таҥаһынан сэрэбиэйдэнии…