Хаартыска: SakhaCov
Өрөспүүбүлүкэтээҕи 2 №-дээх балыыһа-Мэдиссиинэ суһал киинин хирургияҕа мобильнай киинин исписэлиистэрэ 2024 сыл 10 ыйын иһигэр 1850 киһи доруобуйатын көрдүлэр.
Быраастар биригээдэлэрэ Нерюнгри, Алдан, Ленскэй, Дьааҥы, Ньурба, Мииринэй, Горнай, Сунтаар, Чурапчы, Нам, Амма, Үөһээ Бүлүү улуустарыгар тиийэн үлэлээтилэр. Барыта 585 эндоскопия, ультразвук чинчийиитин, 28 үрдүк технологиялаах рентген-эндоваскулярнай чинчийиини ыыттылар, 497 суһал эпэрээссийэ оҥоһулунна. Ол түмүгэр 447 эмтэнээччи олоҕун хаачыстыбата биллэ тубуста. 20 эпэрээссийэ төһө көдьүүстээҕинэн быыһаммыт олох категориятыгар киллэрилиннэ.
Ону сэргэ уустук көрүҥнэргэ үрдүк технологиялаах эпэрээссийэлэр оҥоһулуннулар. Хирургия мобильнай киинин быраастарын үлэлэрин 2 №-дээх балыыһа информационнай технологияларга отделын инженердэрэ ыраахтан олорон хааччыйдылар.
Хирургия мобильнай киинин быраастара уонна мэдиссиинэ сиэстэрэлэрэ оройуоннааҕы балыыһаларга хас биирдии сырыыларыгар бир идэлээхтэрин хирургия технологияларыгар уонна ньымаларыгар үөрэтэр маастар-кылаастары ыыттылар.
Санатан эттэххэ, “Хирургия мобильнай киинэ” бырайыак Ил Дархан Айсен Николаев көҕүлээһининэн 2024 сыл тохсунньутуттан саҕаламмыта. Бырайыак өрөспүүбүлүкэ олохтоохторо олорор сирдэриттэн барбакка эрэ, хирургия былааннаммыт көмөтүн ылалларыгар туһуланар.
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…