Хит FM араадьыйа «Лето – это Хит!» аахсыйаны биллэрдэ

Былырыын Хит FM  араадьыйа «Лето – это Хит!» федеральнай аахсыйаны ыыппыта. Быйыл сайын араадьыйа үлэһиттэрэ истээччилэрин уонна сурутааччыларын ортолоругар хаартысканан куонкуруһу хаттаан биллэрдилэр.

От ыйын 15 күнүттэн атырдьах ыйын 15 күнүгэр диэри кыттааччылар «Одноклассники» эбэтэр «ВКонтакте» диэн социальнай ситимнэргэ сайыҥҥы кэмҥэ хит арыйбыттарын туһунан #ЛЕТОЭТОХИТ хештег бэлиэни туруоран, хаартыскаларын сыһыараллар. Нэдиэлэ ахсын иккитэ, оптуорунньукка уонна чэппиэргэ, дьүүлүүр сүбэ икки кыайыылааҕы талар.

Кыайыылаахтарга «Будите Айлиш» сарсыардааҥы шоу аһаҕас эпиирин кэмигэр төлөпүөнүнэн эрийэн тахсыахтара, ол кэннэ радиоыстаансыйа уонна партнердар бэлэхтэрин туттарыахтара. Саамай чаҕылхай үлэлэр анал лендиҥҥэ таһаарыахтара. Сүрүн бириис — Москваҕа икки киһиэхэ умнуллубат хит-сынньалаҥ. Финал кыайыылаахтарын атырдьах ыйын 16 күнүгэр быһа эпииргэ биллэриэхтэрэ.

Ааспыт сылга куонкурус аахсыйа быһыытынан Калининградтан Владивостокка тиийэ Арассыыйа олохтоохторун холбообута. Аахсыйаҕа 10 тыһыынчаттан тахса киһи кыттыбыта уонна социальнай ситимнэргэ 10 мөлүйүөн кэриҥэ  киһи бэлиэтэммитэ. Аахсыйа туһунан сиһилии https://hitfm.ru саайка уонна араадьыйа официальнай страницаларыгар билсиэххэ сөп.