«Хивус» тарыыба былырыыҥҥынан хаалла дуо?

Суол сабылыннаҕына пассажирдары «Хивус» суудуналарынан таһыахтара. Аллараа Бэстээх — Дьокуускай хайысхатынан 30 «Хивус-10», 8 «Тайфун» аэробот уонна   3  «Нептун-23» суудуналар  үлэлиэхтэрэ. Бу туһунан СӨ Тырааныспарын уонна суол хаһаайыстыбатын министиэристибэтэ иһитиннэрдэ.

Суудуналар Дьокуускай куораттан 202 уонна  203 микрооройуоннартан, оттон Аллараа Бэстээхтэн «Саха сирин тимир суоллара» АУо  пуунуттан сылдьыахтара.

Кангаласс — Суотту  хайысхатынан  3 «Славир-6» суудуна уонна  1  «Тайфун» аэробот пассажирдары таһыахтара.

Тарыып  1 500 солкуобайынан быһыллыбыт.  Гидрологическай усулуобуйа кытааттаҕына тарыып  3 000 солк. диэри үрдүөн сөп.