Хочону сэдэх көтөрдөр таптыыллар

Мэҥэ Хаҥалас 2 Наахара нэһилиэгин Хочо сэлиэнньэтин кэнники сылларга сэдэх көтөрдөр быһа ааспаттар. Ол курдук, 4-5 сыллааҕыта манна кыталыктар түһэн ааспыттарын мүлчү туппакка, олохтоох фотограф Аксиния Шестакова хаартыскаҕа түһэрэн үйэтиппитэ.

Былырыын Сатаҕай Атахха кубалар сынньанан ааспыттара. Аны Хочо үрдүнэн соторутааҕыта туруйалар  көппүттэр диэтилэр.

Онон Хочо сэлиэнньэтэ сэдэх көтөрдөр тохтоон, сынньанан ааһар сирдэринэн буолбут. Ото-маһа, күөлүн уута үчүгэй  буоллаҕа дуу?

Хаартыскаҕа: былырыын – кубалар. А.Шестакова түһэриитэ.