Ходороҕо суолларын оҥордулар

Тыа сиригэр араас бырагыраамалар көмөлөрүнэн олоҕу-дьаһаҕы тупсарыыга үлэ ыытыллара кэрэхсэбиллээх.

Ол курдук, Мэҥэ Хаҥалас улууһун Ходоро нэһилиэгэр олохтоох көҕүлээһиннэри өйүүр бырагыраама көмөтүнэн 2 мөл. солк. субсидия ылан, нэһилиэк икки уһун суолун тэҥнэппиттэр, таас куттарбыттар. Ону тэҥэ бүддьүөттэн үп көрөн, атын уулуссаларын эмиэ оҥороору бэлэмнэнэллэр.

—  Суолбутун тупсаран, силигин ситэрбит киһи бэрт буолуо этэ. Оттооһун быыһыгар өссө дьаһалта саҥа дьиэтин тутуохтаахпыт. От үүнүүтүгэр тохтоотоххо, былырыыҥҥыга тэҥнээтэххэ, быйыл үүнүү соччото суох диэххэ сөп. Үрэх өттө син ама соҕус. Ол да буоллар, отчуттар  киирээри бэлэмнэнэллэр. Сарсын биир ыал – моой отчуттар барыахтара, — диэтэ нэһилиэк баһылыга Виктор Егорович Федоров.

Хаартыска: В.Федоров тиксэрдэ