“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Мосорина Альбина Николаевна, Таатта, Харбалаах
Кыайыылаах көлүөнэҕэ
Сэрии уот кутаата
Силлиэрбит суоһуттан,
Сут-кураан содула
Сууһарар уоруттан,
Кыһарҕан кэмнэрэ
Кыпчыйар күүһүттэн
Эт-тирии баранар
Эрэйдээх олоҕун
Эҥинин билбиккит.
Билбиккит хоргуйан
Былаҕай былдьыырын,
Буһаргыт-тоҥоргут
Былааны толорон,
Билэргит биир туорах
Буорахха кыттыһан
Буойуҥҥа тиийиэҕин,
Буулдьаҕа эбиллэн
Боруоҥҥа көтүөҕүн.
Ааҥнаабыт алдьархай
Амырыын тыыннарын,
Аас-туор эрэйин
Аата суох иэдээнин
Ааннарын ааһарга
Хантан күүс ылынан,
Хайдах тыын киллэрэн
Кыайыыга дьулуһар
Кынаты булбуккут?!
Тулуурдаах санааҕыт
Тостубат мөккүөрэ,
Туохха да быстыбат
Тирбэҕэ тардыыта,
Төрөөбүт дойдуга
Төлөннөөх тапталгыт
Түөстэри уматан,
Тыыннары уһатан
Улуукан Кыайыыга
Сирдээбит, аҕалбыт!
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…