“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Александр Филиппов- Бири, Өлүөхүмэ улууһа, 1 Нөөрүктээйи.
Кэриэстэбил
Фашиһы арҕаҕар бахтатан
Кыайыыны түстээбит буойуттар,
Оччоҕо, түөрт уон биэс сыллаахха
Эдэркээн, эмэн да саллааттар,
Дууһаҕыт туруйа буоланнар
Эйэлээх халлааҥҥа көппүттэр,
Дайаннар, күн айыы сирдэрин
Буланнар дуоһуйа көрбүттэр.
Ол кыайыы туоһута — Мэҥэ таас
Эһиэхэ анабыл турбута,
Кэнэҕэс ыччакка үйэ-саас
Дьиҥ албан ааккытын сырдата!
Төрөөбүт түөлбэҕит сиригэр
Саас ахсын эргиллэр буолаарыҥ,
Түөрэҕи кэбиспит кырсыгар
Кэриэстээн дугунан ылаарыҥ.
Бу көҥүл олохпут дьолуотун
Туойуоҕуҥ аҕалбыт буойуну,
Улуукан сэбиэскэй норуоту
Көҥүлүн көмүскэс дьоруойу!
Кыайыылаах сэрииһит кэккэтэ
Саҕахха чиҥ үктээн аастылар,
Эйэлээх олоҕу ситэрэ
Аныгы кэм дьоно турдулар.
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …
Техникум устудьуонуттан харчыны күһэйэн ылыыга уорбаланар сааһын ситэ илик уол хаайылынна. Мэҥэ Хаҥалас улууһугар баар…
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…