Хоһоон куонкуруһа. Александр Тегюрюков-Өлөксөөн: «Хабыр хапсыһыы»

“Саха сирэ” хаһыат (sakha-sire.ru) Кыайыы 80 сылынан   хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы  кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын  муус устарга билиэхпит.

Тегюрюков Александр Федорович—Өлөксөөн, Томпо, Кириэс-Халдьаайы

Хабыр хапсыһыы

Эр киһи ытык иэһэ —

Дойдутун, дьонун көмүскүүрэ

Сэрии, өлүү-сүтүү ааҥнаатаҕына,

Атаҕастаары кэлэр буоллахтарына.

Бандыара ыамаларын дьаһайа

Эрдээхтик сэриилэспитэ саха уола

Булчут удьуора буоллаҕа

Сахатын быһаҕын уктубута

Биир күн хамандыыр соруйбута —

Бөһүөлэк үрдүк дьиэтигэр

Арассыыйа былааҕын ыйыырга

Доҕор уолунаан баралларыгар.

Ол дьиэҕэ тиийбиттэрэ

Өстөөх саһан сытара кирийэ.

Саха уола гырынаата бырахпыта,

Өстөөх өлөрдүү хаһыырбыта.

Кыл түгэнэ муннукка эмискэ

Өстөөҕөр кэтиллэ түспүтэ,

Икки саһааннаах бандыара

Үрдүгэр өлөрөрдүү барыйбыта.

Үрүҥ күн өлбөөдүйбүтэ,

Күҥэһэ быстар түгэнэ үүммүтэ

Тыын-тыыҥҥа, хаан-хааҥҥа

Хабыр хапсыһыы саҕаламмыта

Боотур сахатын быһаҕын ылбыта,

Харса суох анньыбыта,

Кыл түгэнэ быһаҕын былдьаппыта,

Адьырҕалыы тииһинэн ытырбыта.

Тула үдүк-бадык, кыа-хаан,

Киһи аатыттан ааспыттара

Быһаҕын былдьаан ылан

Тыын сирин булларбыта.

Өстөөҕө көрдөспүтэ —

Киһилии өлүөм этэ диэбитэ,

Көрдөһүүнү ылыммыта боотур

Бириэмэ биэрбитэ өстөөҕөр.

Саха ханнык да балаһыанньаҕа

Киһи буоларын умнубатаҕа,

Сиэри-туому тутуспута,

Сахатын быһаҕын өрө туппута.