“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Александра Ивановна Бережнева, Дьокуускай к.
Умнуо суохтаахпыт…
Дьон киэнэ чэгиэнэ, эрэнэр эркинэ,
Чулууттан чулуута, толуукан бэйэтэ
Тус арҕаа барбыта ол сэрии үөһүгэр,
Уодаһын урдуһа умаппыт уотугар.
Төрөтөр оҕоттон, тапталтан маппыттар
Төннүбэт дьылҕалаах үтүөкэн уолаттар…
Сэрииттэн кэлбэтэх кэргэнин кэтэһэр,
Эрдэлээн кырдьыбыт эдэркээн ийэлэр…
Удьуора быстыбыт, кэскилэ кэхтибит
Уһаабат ыйаахтаах, кырдьаҕас дьоннорбут…
Хараастар санааны түгэхтэн күөрэтэр…
Хаанынан оҕуолаан сүрэҕи ытатар…
Умайар өрт уота, сут-кураан дьыллара
Уһууран ааспыта, дьон күүһүн өһүлэ…
,,Барыта сэриигэ, бу кыайыы туһугар!»
Бар дьоммут санаата, ис кыаҕа сөҕүмэр…
Улуукан кыайыыны уруйдуу көрсөбүт,
Дуорайар ырыаттан, тойуктан үөрэбит.
Саһарбыт үс муннук суруктар — кэриэстэр…
Ыар сүтүк буолбутун сэрэтэ кэпсииллэр.
Сомоҕо тулууру, дьулууру көрдөрбүт,
Кыайыыны аҕалбыт сэбиэскэй норуоту,
Ол онно сирдээбит улуукан Киһини
Дьоһуннук ахтабыт сиэрдээхтик ытыктыы.
Бу Орто дойдуга олох диэн биир күлүм
Ол курдук олоҕу харыстыах тустаахпыт,
Сир-халлаан эргийэр киэлитэ — биир ситим,
Ол онно буолбуту умнумуох тустаахпыт.
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…
Тохсунньу тоһуттар тымныытыгар табаһыттар хайдах үлэлииллэрэ буолла диэн киһи хайдах эрэ чаҕыйа саныыр. Ол эрээри, үлэ-хамнас сөпкө тэриллибит, үчүгэй салайааччылаах хаһаайыстыбалар саҥа 2026 сылга этэҥҥэ үктэннилэр. Эбээн Бытантай улууһугар “Кочевник” көс аҕа ууһун общината 2009 с. тэриллэн үлэлиэҕиттэн, үгүс эдэр дьону табаһыт уустук идэтигэр уһуйда.…
Ыччат дьон маатыраны күннээҕи туттар тылларыгар кубулутан эрэриттэн сонньуйабыт. Биир үтүө күн Күһүөрү биир үтүө күн үлэбиттэн дьиэбэр бараары оптуобуска…