“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Никифорова Алёна Афанасьевна. Дьокуускай к.
Эһигинэн киэн туттабыт
Улуу дойдубут Арассыыйа сырдык ыраас халлааныгар
Атын дойду ыар тыыннаахтара, сидьиҥ санаалаахтара
Хара дьай былыта буолан сабардаан эрдэхтэринэ,
Дойдубут араас муннуктарыттан эн чулуу уолаттарыҥ
Барыйан эрэри төттөрү үтэйээри туруулаһан турдулар.
Улуу туруу дойдубут баай-талым күлүмнэс чүөмпэтигэр
Туора дойду ымсыылара, баайга-дуолга аллаахтара
Обот санаа долгуна буолан умсаахтаан истэхтэринэ,
Бары биир санаанан эн хорсун-хоодуот уоланнарыҥ
Ытыллан эрэри төннүбэт төлкөлөөрү утары туруннулар.
Уотунан уһуурар утары киирсии инники кирбиитигэр
Төрөөбүт-үөскээбит төрүт дойдугут Сахаҕыт сирин
Сыралҕан куйааһынан уһаарыллыбыт, хатарыллыбыт,
Тыйыс тымныытынан кырыыламмыт, чочуйуллубут
Хоту дойду хоһуун уолаттара баардарын көрдөрөллөр.
Хабыр хапсыһыыга тимир тириилэрин кэтэн харса суох киирсэллэр,
Эйэлээх олоххо биллэ-көстө сатаабат алаас, туундара оҕолоро,
Кыыс туҥуй тапталын, нарын уоһун билбэтэх килбик уолаттар,
Бур-бур буруо таһааран олорор тыа сэмэй ыалын аҕалара
Удьуор тэнитиэхтээх, өйөбүл буолуохтаах ийэ, аҕа эрэллэрэ.
Хорсун-хоодуот быһыыгытынан, оҕуруктаах өйгүтүнэн
Сахаҕыт сирин аан дойдуга үрдүк чыпчаалга таһаардыгыт,
Аан дойду улуулара ытыктыы көрөр норуота буоллубут,
Кырдьык туһугар кыайыыны ситиһэргэ охтубат олук уураҕыт,
Эһигинэн киэн туттабыт, эһиэхэ сүгүрүйэбит, арчылыыбыт!
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…