“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Жиркова Августина Ивановна, Эдьигээн
Сэрии суох буоллун!
/Аҕабар Федотов Иван Гаврильевичка аныыбын/
Аҕа дойду Улуу сэриитин
Умнубаппыт биһиги!
Эһэлэрбит, эбэлэрбит,
Ийэлэрбит, аҕаларбыт
Хам аччык аҥаардаах
Тыбыс тымныы ууну кэһэн,
Тымныы уу
Силиилэрин иһигэр киирэн,
Ырдьаччы тоҥо-тоҥо
Алта саастаах быыкайкаан оҕолор
Оҕо курдук оонньообокко,
Улахан дьону кытта
Кыһыл көмүс хатырыктааҕы
Сэрии фронугар ыытаары,
Көмөлөһөн муҥнаналлара.
Инникигэ кыра да буоллар
Эрэл кыымнаах кытаанах соругу
Сэрии сылын оҕолоро толорбуттара.
Бу дьоллоох олоххо олорон
Харахтарын уутун
Аргыый туора соттоллор.
Санаан кэлэллэр
Ол сэрии сылларын.
Суох буоллун сэрии!
Уруй буоллун уйгулаах олоххо!
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…