“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Ноговицын Егор Егорович-Силис Дьөгүөр, Дьокуускай к.
Кыайыы күнүгэр
Улуу Кыайыы үөрүүтүн
Аҕыс уонун сылыгар
Бары бииргэ тахсаммыт
Уруй-айхал этиэҕиҥ.
Умнубаппыт биһиги
Уоттаах сэрии уораанын,
Норуот көмүөл күүһүнэн
Өстөөхтөрүн кыайбытын.
Кыһыл сулус кыыһар уота
Сүрэх аайы умайыа,
Өһөн сүппэт өйдөбүл
Дууһа аайы тыллыаҕа.
Кырдьаҕастыын-эдэрдиин
Айыылартан көрдөһөн,
Аны сэрии буолбатын
Алгыс ылан үөрүөҕүҥ.
Өлөр өлүү өһүөнэ
Өндөйбөтүн хаһан да,
Үүнэр эдэр көлүөнэ
Сэрии диэни билбэтин.
Сиргэ эйэ туһугар,
Сиэттиһиэҕиҥ сэгэрдээр,
Дьолу түстүүр оһуохай
Олохтоннун, доҕоттоор.
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …
Техникум устудьуонуттан харчыны күһэйэн ылыыга уорбаланар сааһын ситэ илик уол хаайылынна. Мэҥэ Хаҥалас улууһугар баар…
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…