“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Копырина Елена Гаврильевна-Сайдыына, Уус Алдан, Бороҕон
Умнубаппыт ол ааспыт…
Умнубаппыт ол ааспыт
Биир сомоҕо күүс буолан
Бүтүн норуот туруммут,
Суоһар сурах аргыстаах,
Суту-курааны сиэппиттээх
Аҕа дойду сэриитин.
Умнубаппыт ол ааспыт,
Дойду көмүскэлигэр,
Дьоллоох олох туһугар
Түөстэринэн хаххалаан,
Тыыннарын толук уурбут
Буойуннарбытын.
Умнубаппыт ол ааспыт,
Айгыраабыт олохтоох
Алаастарын буоругар
Илии-атах эчэйэн
Эргиллибит дьоммутун.
Умнубаппыт ол ааспыт,
Уот-кураан сатыылаабыт
Ыарахан сылларбытын,
Элбэх эрэйи
Эҥээрдэспит
Тыылбыт бэтэрээннэрин.
Умнубаппыт ол ааспыт,
Харах уулаах көрсүбүт
Күүтүүлээх кыайыы күнүн,
Өйгө-сүрэххэ иҥмит
Өрөгөйү бэлиэтиир,
Ыһыах ыспыт кэмнэрин.
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…