“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Шишигина Марфа Иннокентьевна, Мэҥэ Хаҥалас, Хорообут
Сүөдэрбит Дьоруойбут
Сахабыт сирин чулуу уола
Дьоруойбут Сүөдэрбит
Төрөөбүт Баатаран сириттэн
Атыыр тириитэ алааскыттан
Бэлиэ остоолбо туруоран
Барбытыҥ эн уоттаах сэриигэ.
Кэлбэтэҕиҥ дойдугар эргиллэн,
Хаалбытыҥ ыраах Белоруссияҕа
Ийэ дойдуҥ, норуотун туһугар
Олоххун толук уурбутуҥ.
Кыһын хаарынан бүрүллэн
Саас хаппыт маска кэҕэ этэн,
Сайын сир-дойду күөххэ сууланан,
Күһүн араҕас сэбирдэх тэлээрэн,
Оргууйдук айылҕа иһийэн
Суохтуур төрөөбүт алааһыҥ.
Оскуолаҕа эн ааккын иҥэрэн,
Кадет кылааһа аһыллан,
Эйигин холобур оҥостон,киэн туттан,
Сүөдэр, эн үрдүк албан ааккар
Элбэх көлүөнэ иитиллэн
Баатараҥ аата ааттанар.
Төрөөбүт дойдугар, нэһилиэккэр
Өйдөбүнньүк түмэл тэриллэн
Эйигин, кэпсии, биллэрэ туруоҕа.
Үйэттэн үйэҕэ үүнэр көлүөнэ
Үйэлэргэ эйиэхэ сүгүрүйүө,
Сүөдэрбит, Дьоруойбут.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…