“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Пахомов Николай Иванович, Дьокуускай
Бессмертный полк
…когда мертвые встанут…
Кырдьыктаах сэриигэ кыдыллан,
Кырамта уҥуоххут ыһыллан
Үс куккут ырайга көппүтэ,
Бу сиртэн аймана сүппүтэ.
Муус маҥан көтөрдөр буолаҥҥыт,
Умсулҕан улуутун ылаҥҥыт
Куйаары кэрийэ көтөҕүт,
Анаммыт кэмнэргэ көстөҕүт.
Махталлаах ыччаккыт санньыйа,
Батыһа кэтииллэр сайыһа
Ирдииллэр аймахтар куттарын,
Көрдүүллэр бу ханна сылдьарын.
Кыайыыбыт үөрүүлээх күнүгэр,
«Өлбөт үөс полкатын» күөнүгэр
Дьоннорун мөссүөнүн сүгэллэр,
Куттара кэлиэҕин билэллэр.
Сүҥкэннээх хаамыыны көрөҥҥүт,
Аймана ырайтан көтөҥҥүт
Биир хонук дьоҥҥутун көрсөҕүт,
Сааһырбыт хос сиэни көрөҕүт.
«Өлбөт үөс полкатын» ыһымаҥ,
Көрсүһүү биир күнүн сабымаҥ
Сырдык кут дойдуга эргиллиэ,
Оччоҕо өрөгөй кэм тиллиэ
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…
Август Егоров салайааччылаах «Айар» национальнай кыһа генеральнай дириэктэрин солбуйааччы, суруйааччы, СӨ култууратын үтүөлээх үлэһитэ, СӨ…
2026 сылга төлөбүрдэри былаан быһыытынан үрдэтии бары биэнсийэлээхтэри таарыйыа. Төлөбүр кээмэйэ уонна төһө чаастатык уларыйара,…