“Саха сирэ” хаһыат (sakha-sire.ru) Кыайыы 80 сылынан хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Семенов Павел Николаевич—Байбал Сэмиэнэп, Ньурба, Чаппанда
Аан дойдуну
Атыйахтаах уулуу аймаабыт
Аҕа дойду сэриитэ
Аастар даҕаны.
Санаалартан сүппэттии
Сүрэх бааһа буолан
Сүтэн оһон биэрбэттэр,
Симэлийэн хаалбаттар.
Өлүү-сүтүү элбэҕэ
Онно сэрии хонуутугар,
Тыылга эмиэ биир оннук
Тыыннаах иһин охсуһуу.
Сокуон онно кытаанах
Туорах бурдук баҕалаах,
Сонуоктарга курааннаан
Кыһалҕатын эбэрэ.
Ордук бары – боруоҥҥа,
Онтон хаалара аҕыйах,
Сүөһү-сылгы уопсайга
Судаарыстыба дьаһайар.
Халҕан тириитин хаҕылаан
Уокка кэрээн сиэрилэр,
Уоран сиэбит аатыран
Хаайыыланар этилэр.
Оннук суоһар сокуоннар
Тыа дьонун хоргутан,
Өлөр-өлүү, хоргуйуу
Элбэх үһү диэн буолар.
Ону барытын тулуйан
Бары күүһү — боруоҥҥа,
Икки хараҥаны ыпсаран
Норуот бары турунан.
Кыайыы кэлтэ дойдуга
Кыһыл былаах аннынан,
Өрөгөй кыайыы көтөллөөх
Эһээлэр, аҕалар кэлтэрэ.
Уруй буоллун
Улуу кыайыыны уһансыбыт
Дойду бары дьонугар,
Аҕа көлүөнэҕэ.
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…
“Киһини таҥаһынан көрсөллөр, өйүнэн сыаналаан атаараллар” диэн этии хайа да кэмҥэ суолтатын сүтэрбэт. Кырдьыга да,…
Бу улуустарга быыбардар итиини биэрии уонна чөлүгэр түһэрэр үлэлэр кэмнэригэр бараллар – чөлүгэр түһэрии балаҕан…