“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Федорова Раиса Федоровна-Таала, Сунтаар, Тойбохой
Буойун убайбар
Холлоох буутум холбоммут
Хочом сириттэн хомунан,
Тылым-ѳhүм тыллыбыт
Тоҕой Сэлэттэн тэринэн,
Үс кѳлүѳнэм эҕэрдэтин иилинэн
Улуу үбүлүѳйдээх сылынан
Сааhылаан этэ түhээри
Тэлэhийэн тиийдим Эhиэхэ —
Бэтэрээн аҕа саастаахтарбар
Түhээн кэлэн кѳрбѳтѳх
Убайым Бүѳтүр барахсан,
«Быраhаай Тиит» үрдүк биэрэгэр
Уоттаах сэриигэ бараары туран
Эппит кэс тылгын
Истибитим аҕабыттан,
Оччотооҕу эн кыра бырааккыттан:
«Киhи буолаар, кии буолаайаҕын…»
Аҕам хомойоро, саныыра
Эйигиттэн сурук быhаҕаhа суоҕуттан,
Тѳннѳн кэлэн ыга кууспатаххыттан…
Хас биирдии кэлбит буойун
Мэтээлэ, бэлиэтэ, мичээрэ,
Улуу Кыайыы күнүн ѳрѳгѳйѳ
Ѳhүлбүтэ кини курус санаатын.
Сиэн киhи буоламмын,
Суруйбут ааккын ылынан
Таалыскай Бүѳтүрү Таалаҕа солбуйан
Бар дьоммор ааккын үйэтитэрбэр
Хаалбыт олоҕум кэрчигэ
Билиэ, кѳрдѳрүѳ буоллаҕа…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…