Хоһоон куонкуруһа. Туйаара Афанасьева-Туйаарыма: «Кыайыы күнэ»

“Саха сирэ” хаһыат (sakha-sire.ru) Кыайыы 80 сылынан  төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы  кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын  муус устарга билиэхпит.

Афанасьева Туйаара Анатольевна-Туйаарыма, Бүлүү улууһа,  Үгүлээт

Кыайыы күнэ

Кыайыыбыт күнүгэр  дойдубут үрдүнэн

Долгуйан тураммыт саныаҕыҥ барыбыт,

Сэрии ыар кэмнэрин ол уоттаах сэрииттэн

Быыһаабыт саллаат хорсунун-хоодуотун.

Олоҕун барытын анаабыт эбитин,

Кыайыыга дьулуһан андаҕар эппитин,

Дойдуну көмүскээн хаанынан оҕуолаан,

Кырыктаах өстөөҕү самнаран хоппутун.

Бырастыы, эн, саллаат, бойобуой доҕорбут,

Үйэлэр тухары Эн аатыҥ ааттаннын,

Эйэлээх олоҕу аҕалбыт киһибит,

Бу бүгүн эйиэхэ махтана турабыт.

Чулууттан чулуубут, сахабыт саллаатын

Ытыктыы ааттыаҕыҥ, киэн тутта кэпсиэҕиҥ,

Геройдуу быһыытын холобур оҥостон,

Удьуортан удьуорга тириэрдэ туруоҕуҥ!