“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Босикова Ульяна Дмитриевна-Сыгына, Дьокуускай куорат
Баар буоллун өрүү эйэ
Ынырык уот саҥнаах дьылларга,
Кырыктаах адьырҕа сылларга
Урусхал буолта киэҥ дойдубут,
Аҕыйах тыылга ордубут.
Эдэркээн хоһуун уолчаан оҕобут,
Үлэһит үтүөтэ, эр бэрдэ дьоммут
Үлтү хомуллан барбыттара
Уотунан уһуурар сэриигэ.
Аһыҥа, сут-кураан айаҕар
Дойду-сир хайыта барбыта,
Күөх оту көрбөтөх ол сайын
Үгүс дьон тыын кутун сиэбитэ.
Өлбүттэр Кыайыы, дьол иннигэр
Ытыска тыын кутун ууммуттар,
Тыыннаахтар Кыайыы, дьол иннигэр
Сэрии, сут ыар сорун уйбуттар.
Бу сиргэ сэрии уота турбатын,
Дойдубар суоһар суоһун куппатын!
Сэрии тулаайаҕын ытабыла
Оҕоҕо анамматын анабыла.
Өрөгөй Кыайыы, Кыайыы күнэ
Биһиэхэ бүгүн туойуллар.
Өрөгөй Кыайыы, Кыайыы күнэ
Кыһыл былааҕа үөһэ кыыһар.
Күн сирэ билбэтин сэриини,
Сир дьоно, харыстааҥ эйэни!
Уот сэрии силлиэтэ турбатын,
Идэмэрдээх аанын аспатын.
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…
Дьокуускайга Олимпийскай чөмпүйүөн, аан дойду чөмпүйүөнэ, успуорт үтүөлээх маастара Владимир Семенович Мышкин кэллэ. Аатырбыт голкипер…
Интэриниэт – муҥура суох байҕал. Онтон тугу баҕарар булуохха сөп. Этэргэ дылы, үчүгэйи да, куһаҕаны…
Үөһээ Бүлүү улууһун дэлэгээссийэтэ анал байыаннай дьайыы сиригэр гуманитарнай сырыынан Донецкай уонна Запорожье хайысхаларынан үлэлэрин…
Ааспыт сууккаҕа Саха сиригэр алта буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…