“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Лугинова Венера Егоровна, Кэбээйи, Кэбээйи
Кыыһар кыһыл былаах!
Кытыастар кыһыл былаахтаах
Кыайыы ыһыаҕа чугаһыыр,
Кырдьаҕас саллаат хоҥкуйан
Кыраман кэмнэрин саныыр.
Хара хараҕын түгэҕэр
Хара былыт барчаланар,
Хара көстүүмүн түөһүгэр
Хара суор хаана халыйар.
Синиэлин бүрүнэ охсор
Сэттээх сэрии толоонугар,
Сэргэх кыыллыы бэлэм буолар
Сэбилэммит Илбис Уокка.
Ыардык сыыйан тыынарыгар
Ынчык долгуна эҥсиллэр,
Ыараханнык саппаҕыран
Ынырык уоту күөдьүтэр.
Сүһүөхтэрэ босхо салҕаан
Сүрдээх суолу өрүкүтэр,
Сүрэҕэ хаанынан ытаан
Сүппүттэргэ сүгүрүйэр.
Ытыстарын сылааһыгар
Ытык суругун оҕолуур,
Ыра санааҕа куустаран
Ыксалга дойдутун ахтар.
Өрүөллүү өрө өндөйөр
Өлүү-тиллии күөн көрсүүгэ,
Өргөс кылаанын көтөҕөр
Өстөөххө өс-саас өһөрөн.
Уһуутаан уһуннук үрэн
Уоту төрдүттэн тохтотор,
Уйгулаах олоххо тиийэн
Улуу Кыайыыны уһансар.
Эһиэхэйдээн эйээритэр
Эҕэрдэ тойук дуораана,
Эдэр ыччат үөрүүтүгэр
Эйэ Холууба ыллаһар!
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…