“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Федотов Владимир Егорович, Нам улууһа Үөдэй
Төрөөбүт дойдуга ытык иэс —
Олохпут сирдьитэ сүппэт күүс,
Төрүт сир төлкөбүт буоларын
Сүрэхпит билинэн сылдьыаҕыҥ.
Улуукан кыайыыга түмсүһэн,
Уот кыһыл былааҕы күөрэтэн,
Ийэ сиргэ эҕэрдэ этиэхпит,
Ытык тыл аналын тиэрдэммит.
Дойдубут тупсарын туһугар
Туруохпут көмүскээн айхаллаан,
Биир санаа эйэтин күүһүгэр
Күн сырдаан күлүмнүү чаҕыллан.
Кэрэтиэн Сахабыт сиригэр
Барыта күндүтүн билинэр,
Өбүгэ кэриэһин толорор
Уот оттон, алгыс тыл этиллэр.
Бу эбээт дойдубут туһугар
Уот сэрии толоонун ааспыттар,
Ытык дьон бааллара ахтыллар,
Сүппэт иэс дириҥэ этиллэр.
Төрөөбүт дойдуга күн тыгар,
Олохпут кэрэтэ салҕанар,
Көмүскэл тылларын этэммит
Харыстаан арчылыах барыбыт.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…