“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Захар Петрович Колодезников, Дьокуускай к.
Сэрии суоһа
Санаан кэллим аҕабын,
Сэриилэспит кэмнэрин,
Кэпсээ диэммит хаайарбыт,
Кырдьыгы билэ сатааммыт.
Сэрии туһунан ахтарын
Кини куруук тумнара,
Куруук этэр буолара,
Сэймэктэһии — харах уута.
Туох үчүгэйдээх буолуоҕай
Киһи киһини өлөрөрө,
Кыа хаанынан устара,
Тыынын толук уурара.
Кырыктаах сэрии ылбыта
Киһи аймах бастыҥын,
Аҕа дойду туһугар
Ааҕан сиппэт охтубута.
Сир ийэ ытаабыта
Сидьиҥ быһыы содулуттан,
Үйэлэр тухары бааһырбыта,
Үгүһү элбэҕи кистээбитэ.
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…