“Саха сирэ” хаһыат (sakha-sire.ru) Кыайыы 80 сылынан төрөөбүт дойдуга тапталы иҥэрэр, дойдуга бэриниилээх буолууга иитэр соруктаах хоһоон куонкуруһун биллэрбитэ. Өрөспүүбүлүкэ үгүс улуустарыттан куонкуруска уопсайа 76 кыттааччы кытынна. Олортон бастыҥ хоһооннору талан саайтка ааҕааччыларбытыгар анаан таһаарабыт. Кыайыылаахтар ааттарын муус устарга билиэхпит.
Скрябина Зоя Николаевна, Мэҥэ Хаҥалас, Төхтүр
Бэтэрээн саллаакка
/Аҕа дойду Улуу сэриитин кыттыылааҕа Семен Максимович Дмитриевкэ аныыбын/
Мэҥэ кэрэ сиригэр,
Хатыҥнаах, чараҥнаах,
Үүнүүлээх алаастаах
Холгума нэһилиэгэр
Сэргэх, сэмэй
Сэмэн уол
Үөскээн-төрөөн аастаҕа.
Аан дойдуну аймаабыт
Алдьархайдаах сэриигэ
Оҕо-эдэр дьоннуун
Айан суолун туттаҕа.
Ыраахха диэри атаара
Аймана хаалбыттара
Аймах-билэ дьонноро,
Килбик нарын таптала.
Түһээн да баттаппатах
Ангара өрүһүнэн
Кыайыы туһа диэн
Өстөөҕү үлтүрүтэ
Арҕаа айаҥҥа туруммуттара.
Саха хорсун уолаттара
Уоттаах кыргыһыыга
Керчь, Крым, Ялта куораттары
Өстөөхтөн босхолууллар.
Украинаны уҥуордаан,
Карпат хайаларын хайытан
Туйгун сэрииһиттэр
Польшаҕа тиийэллэр.
Өстөөҕү үлтү тэпсэн,
Берлини бэриннэрэн,
Кыайыы, өрөгөй көтөллөөх,
Соноҕос ат соргулаах
Уол оҕо дьоллоох,
Ахтылҕаннаах дойдутун
Буоругар үктэммитэ!
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…