Хойут төрөөбүт ньирэйбитин хайдах көрөбүт?

Күндү ааҕааччылар! Төһө да сайыҥҥы кэм буоллар, ааҕааччыларбытыттан араас ис хоһоонноох ыйытыылар киирэллэр. Доруобуйа, сынньалаҥ, тыа хаһаайыстыбатын эҥин боппуруостарыгар сыһыаннааҕы ыйыталаһаллар.

Ол курдук, Тимофеевтар маннык ыйытыылаахтар:

— Кэтэх хаһаайыстыбабытыгар саҥа сүөһү ииттэн эрэбит. Онон билбэппит элбэх. Ынахпыт хойутаан сайын төрөөтө. Хойут төрөөбүт ньирэйи хайдах көрүөххэ сөбүй? Сүбэлээҥ!

                                                                                                                                                                                                                                         Тимофеевтар.

Тимофеевтар ыйытыыларыгар Нам улууһун Үөдэй с. бэтэринээр бырааһа Римма Попова маннык эппиэти ыытта:

— Сайын төрөөбүт ньирэйи төрөөтүн кытта ийэтигэр үчүгэйдик салатан, бастакы уоһаҕын киилэ курдугу иһэрдэҕит. Мин кэтээн көрөрбүнэн, ийэтин эмтэрэр ордук. Уоһахха элбэх битэмииннэр бааллар. Куртаҕын наһаа ноҕуруускалаабат гына иһэрдиэххэ наада. Күннээҕи нуормата — үс киилэ.

Онтон 5 хонон баран уу иһэрдиэххэ, сарсыарда аччык иһигэр.

Наһаа элбэх уоһаҕы истэҕинэ, куртаҕар үүт мунньуллан, казеин үөскүүр. Оччоҕо ньирэй мөлтүүр, аһаабат буолар. Онтон туругуттан көрөн үүтүн сыыйа эбэҕит. Күҥҥэ — 4 лиитирэ. Ньирэйгитин 3 ыйыгар диэри эмтэриҥ.

БЭЛЭМНЭЭТЭ ЖЕННИ СТРЮКОВА.