Хаартыска: Галина Мозолевская, СИА
Устуоруйаҕа аан бастакытын Холбоһуктаах Арабскай Эмираттан атыыга 90 туонна ынах арыытын киллэрдилэр.
ТАСС иһитиннэриитинэн, тас дойдуттан ынах арыытын киллэрии тэрээһинэ өссө бу сыл алтынньы 18 күнүгэр саҕаламмыта уонна сэтинньи 2 күнүгэр бастакы баартыйа дойду кыраныыссатын туораабыта. Атыыга барар табаары Иран сиринэн уонна Каспийскай байҕалынан аҕалбыттара. Сотору кэминэн тас дойдуттан киирбит бородуукта бары маҕаһыыннарынан атыыга тахсыаҕа.
2021 сыллааҕы чахчынан, Эмираттарга 112 тыһ. төбө ынах сүөһү баар. Кэнники сылларга бсуду аарыстыба ынах арыытын экспорга таһаарыытын улаатыннарар. Үрүҥ-ас көрүҥүн атыылааһын 2022 сылга 20 мөл. туоннаттан 2023 сылга 37 мөл. туоннаҕа диэри тиийбит.
Маны сэргэ Арассыыйаҕа Турцияттан эмиэ ынах арыыта киириэҕэ. 20 туонна бастакы баартыйаны үөрэтэн көрүүгэ Хара байҕал суолунан киллэрбиттэрэ. Сотору кэминэн ынах арыытын атыылааһыҥҥа Иран, Индия, Киргизия уонна Азербайджан дойдулар эмиэ кыттыаһыахтара. Сыл саҕаланыаҕыттан дойдуга барыта 11 дойдуттан 112 туонна бородуукта киллэриллибит. Онуоха Арассыыйаҕа Россельхознадзор чахчытынан, оҥорон таһаарыы 371 тыһ. туоннаттан 384-кэ диэри улааппыт.
Саха сирин сүүмэрдэммит хамаандатын дзюдоистката Надежда Татарченко Череповец куоракка дьахталларга ыытыллыбыт Арассыыйа Куубагын үрүҥ көмүс…
Быйыл Социальнай пуонда Саха сиринээҕи салаата 1804 өрөспүүбүлүкэ олохтооҕун уонна кинилэри арыаллыыр дьону санаторнай-курортнай эмтэниигэ…
Саха сирин сүүмэрдэммит хамаандатын чилиэнэ Николай Яковлев буулдьанан ытыыга Арассыыйа успуордун маастара буолла. Бу туһунан…
Алдан икки олохтооҕо тимир суол тэрилтэтиттэн 12 көлүөһэ диискэтин уоран, биэс сылга диэри көҥүллэрэ быһыллыан…
Инфаркт уонна инсульт ыарыылар сибикилэрин сатаан быһаарыы уонна эрдэттэн сэрэтии уодаһыннаах ыарыылартан босхолуон сөп. Тугу…
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…