Салгыы
«Холодное золото» киинэ 13-с миэстэҕэ таҕыста

«Холодное золото» киинэ 13-с миэстэҕэ таҕыста

31.01.2023, 11:25
СИА хаартыската.
Бөлөххө киир:

“Холодное золото” киинэ Wink сервискэ саамай элбэхтик көрүллэр киинэлэр истэригэр 13-с миэстэни ылла. Бу киинэ иннигэр, 12-с миэстэҕэ Голливуд аатырбыт “Человек-паук” киинэтэ сылдьар.

Киинэҕэ Саха сирин кыһыҥҥы кэрэ айылҕата көстөр.

Соторутааҕыта Wink сервискэ бу киинэни көрбүтүм. Уонунан тыһыынча киинэттэн талан ылан, саха киинэтин көрөллөрө интэриэс баарын туоһулуур. Арассыыйа барыта көрөр сервиһигэр саха киинэтэ киирбитэ да элбэҕи этэр. Маны тэҥэ, “Холодное золото” КиноПоиск, Okko, Film.ru, о.д.а. улахан сервистэргэ, саайтарга көстөр.

Киинэ режиссера – Пётр Хики, продюсер Сардана Саввина, сценарий ааптара Любовь Борисова, оператор Иван Семёнов, композитор Моисей Кобяков. Сүрүн оруолга – чекист Алексей Карасев оруолугар Аскалон Павлов, баанда тойонун оруолугар — Пётр Баснаев, уо.д.а. оонньууллар.

«Холодное золото» саха киинэтигэр саҥа – истерн жанрга уһуллубут. Бу эмиэ вестерн курдук, мүлчүргэннээх сырыылардаах киинэ. Алдан бириискэлэригэр кыһыл көмүһү хостооччулары халаан баран, Аҕа дойду сэриититтэн куота сылдьар бандьыыттар тустарынан кэпсэнэр. Дьиҥнээх олоххо буолбут хас да түбэлтэлэри холбоон, оҥорбуттар. Кыһын устубут буолан, элбэх уустуктары көрсүбүттэр. Нам уонна Хаҥалас улуустарыгар устубуттар. Киинэ бүддьүөтэ – 13 мөлүйүөн солкуобай. 2021 сыл бүтүүтэ тахсыбыта.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
28 марта
  • -13°C
  • Ощущается: -20°Влажность: 52% Скорость ветра: 4 м/с

Сообщить об опечатке

Текст, который будет отправлен нашим редакторам: