Холокост сиэртибэлэрин кэриэстиир нэдиэлэ ыытыллар

Быыстапкаҕа Национальнай бибилэтиэкэ пуондатыттан кинигэлэр көрдөрүүгэ туруохтара.

Санатар буоллахха, тохсунньу 15 күнүттэн Арассыыйаҕа Холокост сиэртибэлэрин кэриэстиир нэдиэлэ ыытылла турар.

Холокост сиэртибэлэрин аҥаардара сэбиэскэй дьон этэ. Холокост ынырыктаах бэлиэтэ — Аушвиц (Освенцим) өлөр-өлүү лааҕырын 1945 сыл тохсунньу 27 күнүгэр Кыһыл Аармыйа буойуннара босхолообуттара. Холокост сиэртибэлэринэн 6 мөлүйүөн дьэбириэй дьоно буолбуттара.

Тохсунньу 27 күнүгэр Бүтүн Арассыыйатааҕы «Свеча памяти» мемориальнай аахсыйа онлайн-көрүҥүнэн ыытыллыаҕа.

Бу аахсыйаҕа ким баҕарар кыттыан сөп: чүмэчи уматан, хаартыскаҕа түһэрэн баран, социальнай ситимҥэ #Неделяпамяти диэн хэштегинэн таһаараҕыт. Бу виртуальнай чүмэчи хаһан да умуллубат «Өйдөбүнньүк чүмэчитэ» буолуоҕа.

Ил Дархан, бырабыыталыстыба пресс-сулууспата