Холуобунай быраап тиэрминнэрин тылдьыта тахсыаҕа

Саха сиригэр саҥа тылдьыт тахсара күүтүллэр. Ол курдук, Холуобунай быраап уонна бырассыас өйдөбүллэрин сахалыы тылбаастарын хомуурунньугун Гуманитарнай чинчийии уонна хотугу аҕыйах ахсааннаах омуктар кыһалҕаларын институтун саха тылын салаатын научнай үлэһиттэрэ 2022 сылтан саҕалаан оҥоро сылдьаллар. Бу туһунан Uluus.media суруйар. 

Саҥа тылдьыты оҥорууга сүбэһит быһыытынан Ис дьыала министиэристибэтин уонна прокуратура үлэһиттэрэ  үлэлээбиттэр. Ону кытта филологическай билим хандьыдаата Дария Чиркоева уонна бырапыассар Макар Яковлев рецензент быһыытынан кыттыбыттар.

Бу хайысхаҕа үлэ 20 сыл устата ыытылла илик – 2000 сыллаахха нуучча тылыттан саха тылыгар юридическай тиэрминнэр тылбаастара тахса сылдьыбыта. Саҥа кинигэҕэ тиэрминнэри систиэмэлээһин үлэтэ ыытыллыбыт, эрдэ уопсай ылылла илик тылбаастар киирбиттэр.