Хаартыска: Вера Прокопьева тиксэриитэ.
Кулун тутар 30 күнүгэр Дьокуускай куоракка П.А. Ойуунускай аатынан литература түмэлигэр Кэбээйи улууһун Мукучу нэһилиэгин олохтооҕо, “Дайан” норуот айымньытын дьиэтин уус-уран салайааччытынан үлэлиир Вера Прокопьева-Итэҕэл «Таптыыбын» кинигэтин биһирэмэ бэрт сэргэхтик, истиҥник буолан ааста.
Тэрээһини Итэҕэл бэйэтэ түсчүттээтэ. Бу күн түмэл ураты эйгэлээх саалатыгар айар үлэ абылаҥар ыкса билсэр доҕотторо, үөлээннээхтэрэ, бииргэ үлэлиир дьоно үөрүүтүн үллэһиннилэр. Хомоҕой хоһоон хонуутун устун, ырыа алыптаах ыллыгынан арыалланан, ис сүрэхтэн этиллэр баҕа санаа, эҕэрдэ эриэккэһэ ананна.
Хас биирдии ыалдьытыгар кинигэтин бэлэх уунан доҕотторун үөртэ. Бэлиэ күнтэн сүргэлэрэ көтөҕүллэн, хоһоон айааччы кытта баар буолла. Кинигэ тахсыбыт үөрүүтүн Полина Победа хоһооҥҥо холбоото.
Айар эйгэлээх доҕотторо салгыы аартыга арыллан иһэригэр, өссө да тохтообокко кинигэлэрин таһааран ааҕааччыларын үөрдэ турарыгар, иккис кинигэтин уһаппакка таһаара охсоругар баҕара хааллылар.
ИТЭҔЭЙДИМ
/»ТАПТЫЫБЫН» кинигэ ааптарыгар Прокопьева В.Н. ананар/
Сылдьан кэллим биһирэмҥэ
Үбүлүөй, сыбаайба буолбатах —
Айар эйгэ эрэ дьоно
Билэр маннык биһирэми!
Ис санаатын этиммит,
Тас эйгэҕэ эрэммит
Күүстээх киһи суруйан
Кинигэни таһаарар!
Кинигэтин да аатын
Күүһүн сөхтүм мин бастаан,
Саамай таптыыр мин тылым
«ТАПТЫЫБЫН» диэн кинигэ!
Суруйар да аата ИТЭҔЭЛ —
Эргиччи кэрэҕэ угуйуу!
Элбэх хоһу санаабакка
Тиийдим тута биһирэмҥэ!
Итэҕэйдим тапталга!
Итэҕэйдим олоххо!
Илэ куустум ааптары
Кынаттанан төнүннүм!
ПОЛИНА ПОБЕДА
30.03.2025с.
Киэһэ 22ч.
Итэҕэлгэ ❤️❤️❤️
Иһирэх иэйииттэн тыллыбыт
Таптыыбын диэн истиҥ тылларыҥ
Кинигэҥ аатыгар киэркэйэн
Күн сирин көрдөҕө кэрэтиэн!
Итэҕэл, айымньыҥ алыбын
Итэҕэй, олустук хайгыыбын!
Эриэккэс хоһоонуҥ иэйиитин
Сэҥээрэр ааҕааччы элбиэхтин!
Ураты уйаҕас иэйиилээх
Таптыыбын диэн ааттаах кинигэҥ
Бар дьонуҥ кутун тутуохтун!
Ааҕааччы махтала буолуохтун!
Мааны Маарыйа
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…