Хаартыска: культура.рф
Хомсомуол тэриллибитэ 106 сылын көрсө, ол кэми ахтан-санаан, хомсомуолга хайдах ылалларын туһунан устуоруйатын сэгэтэн көрүөххэ. Тоҕо хомсомуол буолуоххун баҕараҕын? диэн туран хомсомуолга хайдах ылаллар этэй?
Хомсомуолга 14 сааскыттан ылаллара. Пионерга ылыы курдук кууһунан барбата, этэргэ дылы, хас биирдии киһини сирэй кэпсэтэн, бары өттүттэн тургутан көрөллөрө. Сайабылыанньа биэрэргэ биир хомуньуус эбэтэр 10 ыйтан итэҕэһэ суох ыстаастаах икки хомсомуол киһи хаачыстыбатын уонна ситиһиилэрин тоһулуура ирдэнэрэ. Сайабылыанньа кэннэ оскуола хомсомуолун түмсүүтүгэр көрөргө биитэр көрбөккө диэн уураахтыыллара. Сөбө суох хандьыдаат диэтэхтэринэ, көрүмүөхтэрин эмиэ сөбө.
Сайабылыанньаҕын ылбыт түгэннэригэр хомсомуол кэмитиэтин уонна райком бэрэстэбиитэлин кытта кэпсэтии (собеседование) күнүн болдьууллара. Манна бэлэмнэнии санааҕар унньуктаах уһун, улахан долгутуулаах буолара. Собеседование күн уҥуох-иҥиэх халыр-босхо баран, тип-титирэс буола долгуйбут ыччаттар кэлэллэрэ.
Бэлэмнэнии диэн ЫБСЛКС (ВЛКСМ) устаабын, хомсомуол уонна баартыйа баһылыктарын ааттарын-суолларын, суолталаах дааталары нойосуус үөрэтии уонна, саамай кылаабынайа, “тоҕо хомсомуол буолуоххун баҕараҕын?” диэн ыйытыыга хоруйу толкуйдааһын буолара. Кэмитиэт чилиэннэрэ хаһан баҕарар “оҕуруктаах” ыйытыыны биэрэн “самнарыахтарын” сөптөөҕө. Хандьыдаат собеседованиены этэҥҥэ аастаҕына, хомсомуол билиэтин туттараллара. Усунуос (взнос) оскуола оҕотугар уонна устудьуоҥҥа ыйга 2 харчы, үлэлиир дьоҥҥо хамнас биир бырыһыанын ылара.
1989 сылга диэри ЫБСЛКС чилиэнэ буоллаххына эрэ үрдүк үөрэххэ, үчүгэй училищеҕа, техникумҥа киирэр кыахтааҕыҥ.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…