Хаартыска: М.Васильева (СИА)
Саха сиригэр олох-дьаһах хомунаалынай өҥөтүн уонна хапытаалынай өрөмүөн төлөбүрүгэр бырыһыан ааҕыллыытыттан босхолуурга байыаннай дьайыы кыттыылаахтарыттан сайаапкалары ылыы салҕанар.
Алтынньы 7 күнүнээҕи брифиҥҥэ өрөспүүбүлүкэ Бырабыыталыстыбатын бэрэссэдээтэлин солбуйааччы Георгий Степанов иһитиннэрбитинэн, бу курдук өйөбүлү сулууспаларын кэмигэр сылдьар байыастар туһаныахтарын сөп.
“Олох-дьаһах хомунаалынай хаһаайыстыба өҥөтүн төлөбүрүн кэмигэр төлөөбөтөхтөр бырыһыан ааҕыллыытын тохтотор инниттэн, дьон хааччыйар тэрилтэлэргэ, салайар хампаанньаларга эбэтэр бас билээччилэр табаарыстыбаларыгар, ону тэҥэ, кытаанах хомунаалынай тобохтор эрэгийиэннээҕи сүрүннээччилэригэр сайабылыанньа суруйуохтарын сөп. Элбэх кыбартыыралаах дьиэ уопсай баайын хапытаалынай өрөмүөнүгэр төлөбүрү кэмигэр эбэтэр ситэ төлөөбөтөх түгэҥҥэ ааҕыллыбыт бырыһыантан (пеня) босхолонорго, дьон Элбэх кыбартыыралаах дьиэлэр хапытаалынай өрөмүөннэрин пуондатыгар сайабылыанньа суруйан киллэриэхтэрин сөп” – диэн кини быһаарар.
Вице-премьер иһитиннэрбитинэн, күн бүгүн өрөспүүбүлүкэҕэ байыаннай дьайыы 141 дьиэ кэргэнигэр олорор дьиэни гаастааһыҥҥа материальнай, байыаннай сулууспалаах 448 төрөппүтүгэр санаторнай-курортнай эмтэниигэ көмө оҥоһуллубут. 342 киһи байыаннай сулууспалаах эмтэнэ сытар сиригэр барарга харчынан көмөнү ылбыт, 270 киһи – дьиэҕэ социальнай хааччыйыы уонна стационарнай аҥаардаах көрүҥ өҥөтүнэн туһаммыт. 847 байыаннай дьайыы кыттыылааҕа уонна 1542 дьиэ кэргэн чилиэнэ доруобуйа харыстабылын уонна социальнай хааччыйыы тэрилтэлэригэр доруобуйаларын чөлүгэр түһэриини аастылар.
Нэһилиэнньэ дьарыктаах буолуутун кииннэригэр үлэ көрдүүрүн туһунан 555 киһи биллэрбит, ол иһигэр 170 байыаннай дьайыы кыттыылааҕа, 385 дьиэ кэргэн чилиэнэ. Итинтэн 127 киһини үөрэттэрэ ыыппыттар, 340 киһиэхэ үлэ булбуттар.
Ил Дархан уонна Бырабыыталыстыба пресс-сулууспата.
Өбүгэ саҕаттан норуот төрүт үгэстэрин аныгы кэмҥэ барҕарда сайыннарар Сахабыт сирин иэйиэхсит ийэлэрин "ДАЛБАР ХОТУН”…
Түүн үөһүгэр, 02:24 ч. Мэҥэ Хаҥалас улууһун Павловскай нэһилиэгэр чааһынай дьиэҕэ уот турбутун туһунан Майатааҕы…
Мукучу нэһилиэгэр олунньу 14 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо сылларыгар…
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…