Хаартыска: ЯСИА
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан, эрэгийиэннэргэ араас көрдөрүүлэр бигэргэтилиннилэр — 8,6-тан 28%-ҥа диэри.
Арассыыйаҕа бу индекс ортотунан 11,9%-ҥа тэҥнэһэр. Саха сиригэр хомунаалынай өҥө үрдээһинэ 13%-ҥа тэҥнэһэр. Ол аата гражданин уопсай төлөбүрэ 13%-тан тахсыа суохтаах, оттон сорох муниципальнай тэриллиилэргэ 2,1%-нан туорааһын көҥүллэнэр. Бу дойдуга саамай үрдүк көрдөрүү буолбатах диэн бэлиэтэнэр — РФ 28 эрэгийиэнигэр индекстэр өссө үрдүктэр, оттон сорох эрэгийиэннэргэ үрдээһин 26-28% буолуоҕа.
СӨ «Субсидияҕа ааҕыныстыбата» судаарыстыбаннай тэрилтэ иһитиннэрбитинэн, өрөспүүбүлүкэҕэ олох-дьаһах хомунаалынай өҥөтүн иһин төлөбүрү төлөөһүҥҥэ гражданнарга үп-харчы ыарахаттарын намтатыыга туһуламмыт социальнай өйөбүл дьаһаллара олоххо киирэллэр. Бу миэрэлэргэ олорор дьиэҕэ уонна хомунаалынай өҥөлөргө субсидия, элбэх кыбартыыралаах дьиэлэр хапытаалынай өрөмүөннэригэр усунуос төлөөһүнүн ороскуотун толуйуу, анал байыаннай эпэрээссийэ кыттыылаахтарын кытта бииргэ олорор дьиэ кэргэттэргэ дьиэ ороскуотун толуйуу уонна хапытаалынай өрөмүөн иһин 50% суумалаах усунуос быһыытынан өйөбүл, ону таһынан, элбэх оҕолоох дьиэ кэргэттэргэ хомунаалынай өҥөлөргө 30%-наах чэпчэтиилэр киирэллэр .
2025 сыл биэс ыйыгар уопсайа 102,8 мөл. солк. суумалаах 30% чэпчэтиинэн 7512 элбэх оҕолоох дьиэ кэргэн туһанна. Маны таһынан, бу кэм устата 5153 гражданин хапытаалынай өрөмүөн иһин усунуоһу төлөөһүҥҥэ ороскуоттарын иһин 12,4 мөлүйүөн солк. суумалаах толуйууну ылбыт.
Анал байыаннай эпэрээссийэҕэ кыттыбыт дьону кытта бииргэ олорор ыалларга туспа өйөбүл миэрэтэ көрүллэр. Бу болдьох устата 75 ыал уопсайа 338,8 тыһ. солк. суумалаах толуйууну ылбыт.
Билиҥҥи социальнай өйөбүл дьаһалларын, ону регистрациялааһын бэрээдэгин туһунан информацияны гражданнар субсидия ааҕыныстыбатыгар сибээстэһэр киин нүөмэригэр эрийэн билсиэхтэрин сөп: 8-800-222-50-70.
Үлэ министиэристибэтин нөҥүө гражданнар сорох категорияларыгар эмиэ ОДьКХ өҥөлөрүнэн компенсация көрүллэр — инбэлииттэргэ, Аҕа дойду Улуу сэриитин бэтэрээннэригэр, политическай репрессия сиэртибэлэригэр, сэрии кэмин оҕолоругар, үлэ бэтэрээннэригэр, байыаннай эпэрээссийэлэр бэтэрээннэригэр.
Сиһилии: https://www.sakha.gov.ru/news/7474
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …