Хомунаалынай өҥөлөргө ханнык чэпчэтиилэр баалларый?

Хомунаалынай уонна олох-дьаһах өҥөтө дьон олоҕун  биллэрдик чэпчэтэр, ол сыалтан кинилэр өҥөнү бириэмэтигэр төлүүллэрэ ирдэнэр. Кинилэр олох-дьаһах уонна хомунаалынай өҥөлөргө чэпчэтиилэр баалларын өйдүүр уонна төлүүр эппиэтинэстээхтэр. Бүгүн биһиги Судаарыстыбаннай өҥөлөр порталларыгар киирэн,  дьиэттэн олорон, олорор дьиэ уонна хомунаалынай өҥөлөргө сайабылыанньаны хайдах ыытары кэпсиэхпит.

2022 сыл саҥатыгар РФ Дьиэ-уот кодексатыгар олорор дьиэҕэ, олох-дьаһах уонна хомунаалынай өҥөлөргө чэпчэтии  туһунан кэккэ уларыйыылар  киирбиттэрэ.Бу  уларыйыыларга этиллэринэн, чэпчэтиинэн туһанар дьон бу өҥөлөргө үс сыл иһигэр иэстээх уонна суутунан быһаарыллыбыт буоллаҕына, чэпчэтиинэн туһамматтар диэн этиллэр. Арай суут быһаарыытын кэннэ гражданин иэһин толору төлөөбүт буоллаҕына, чэпчэтии хаттаан көрүллэр.

Электроннай сайабылыанньаны хайдах ыытыахха сөбүй? Гражданин порталга аллараа маннык докумуоннары  ыытар:

— чэпчэтиинэн туһанарын туһунан докумуон реквизиттэрэ;

— олорор дьиэ уонна дьиэни бас билии туһунан докумуоннар эбэтэр наймыласпытын туһунан сибидиэнньэ;

— дохуотун итэҕэтэр сиби­диэнньэ;

— баан реквизиттэрэ;

— дьиэ кэргэнин туһунан сибидиэнньэ, баар буоллаҕына (пааспар, СНИЛС, эр-ойох буолуу докумуона, оҕо төрөөбүтүн туһунан сибидиэтэлистибэ).

Сайабылыанньа араас сиргэ ыытыллыан сөп: олорор дьиэ­ҕэ чэпчэтиигэ, тохтотуллубут чэпчэтиини саҥаттан көрөргө, чэпчэтиини тохтоторго. Ити сирдэртэн  биири талан ыытаҕыт. Сайабылыанньаны гражданин бэрэстэбиитэлэ эмиэ ыытыан сөп.

1. www.qosusluqi.ru порталга тус учуотуҥ сиригэр киирэҕин, өскө учуотуҥ суох буоллаҕына саҥаттан суруттараҕын. Портал кылаабынай сирэйигэр «Олорор дьиэ төлөбүрэ уонна хомунаалынай өҥөлөр» диэни талаҕын.  «Саҕалаа» диэн кунуопканы баттыыгын;
2. «Чэпчэтиини туһаныы» диэни талаҕын, ол кэннэ сайабылыанньа биэрээччи (эбэтэр бэрэстэбиитэл) диэни булаҕын;
3. Бэйэҥ тускунан сибидиэнньэлэри бигэргэтэриҥ туһунан «Сөп» диэни баттыыгын;
4. Өскө сайабылыанньа биэрээччи чэпчэтиинэн, социальнай көмөнөн уонна компенсациянан туһанар буоллаҕына, анал бэлиэни туруорар уонна «Салгыы» диэн кунуопканы баттыыгын;
5. Испииһэктэн олорор дьиэ көрүҥүн талаҕын, салгыы «Олорор дьиэ туһунан сиби­диэнньэ» диэҥҥэ дьиэ кадастровай нүөмэрин суруйан баран, бэлиэни «Анал нүөмэри киллэр» диэҥҥэ туруораҕын;
6. Аны кэлэр разделга «Сайабылыанньалаах соҕотоҕун олорор» эбэтэр «Дьиэ кэргэнин кытта олорор» диэннэртэн талаҕын, ол кэннэ дьиэ кэргэннээх буоллаххына, олорсор дьонуҥ туһунан сибидиэнньэни угаҕын (бастайааннай пропискалаахтары);
7. Докумуоннары киллэрэн баран «Бигэргэтэбин» диэни баттыыгын;
8. «ОДьК өҥөлөргө суут уураа­ҕынан иэс» диэн разделга «Тал» диэни баттыыгын;
9. «Төлөбүрү ылыы бэрээдэгэ» диэн разделга киирэн, бааҥҥын талаҕын, счетуҥ реквизиттэрин суруйаҕын уонна «Талабын» диэни баттыыгын.
10. «Аналлаах уорганы тал» диэн разделга киирэн, олорор оройуоҥҥун талаҕын уонна эмиэ «Талабын» диэни баттыыгын;
11. «Сайабылыанньаны биэрэбин» диэни баттыыгын.

Сайабылыанньа толорон ыытан баран, порталга баар тус бэйэҥ кэбиниэккэр быһаарыы кэлэрин  10 үлэ күнүн устата кэтэһэҕин.

Биири сэрэтэбит: чэпчэтии усулуобуйалара уонна ирдэбиллэрэ уларыйбатылар: информация электроннай көрүҥэ порталга баар. Маны таһынан,  сайабылыанньалаах киһи сибидиэнньэлэригэр  уларытыылары киллэрэрэ ыытыан иннинэ көҥүллэнэр.

Биири  өйдүүр наада: порталга тус бэйэҥ кэбиниэккэр киирэргэ аптамаат быһыытынан  сөптөөх эппиэттэри  онлайн тестэргэ толорон эрэ биэриэххэ наада. Өссө атын сөптөөх бириэмэҕэ иккиһин эмиэ эппиэттиэххэ сөп.