Хаартыска Ил Дархан уонна Бырабыыталыстыба пресс-сулууспата.
СӨ Бырабыыталыстыбатын Бэрэссэдээтэлэ Кирилл Бычков бүддьүөт ороскуотун кэмчилиир миэрэлэри ырытта.
Ол курдук, сайыҥҥы кэмҥэ бүддьүөт бары тэрилтэлэригэр счетчиктар туруоруллуохтара, олор саҥа ититэр кэмтэн үлэлиэхтэрэ. Бары бүддьүөт тэрилтэлэригэр эниэргийэни туһаныы былааннарын ылыналларыгар эмиэ сорудахтанна. Сүрүн хардыылартан биирдэстэринэн иккис уонна үһүс категориялаах туһаныыга нэһилиэнньэ электрическэй сылытыыга туһанар уотун кээмэйин субсидия систиэмэтиттэн таһаарарга сорук турда. Өссө биир улахан суолталаах миэрэнэн хомунаалынай өҥөнү туһаныы нуорматын уларытыы уонна элбэх кыбартыыралаах дьиэлэр ахсааннарыттан тутулуга суох биир кэлим чэпчэтиилээх сылытыы тарыыбын киллэрии буолуоҕа. Бу миэрэ экэниэмикэҕэ дьайыыта 2029 сыл иккис аҥаарыгар эрэ күүтүллэр.
Гаастааһыҥҥа ураты болҕомто ууруллар. Билигин өрөспүүбүлүкэ киин уонна улахан бырамыысаланнай оройуоннарыгар 28 нэһилиэнньэлээх пууннары гаастааһын бырагыраамата көхтөөхтүк оҥоһуллар. Олортон үгүстэригэр дуогабардар түһэрсиллибиттэр, ситимнэри оҥорорго тутуу үлэтэ саҕаланна. Сылааһы хааччыйар эбийиэктэри гааска толору кубулутуу ыарахан сыаналаах электрическэй сылытыыттан тутулуктаах буолууну биллэ аҕыйатыахтаах. Тутуу салаатыгар эмиэ уларыйыылар киириэхтэрэ: саҥа тутуулар уоту туһаныыларыгар ирдэбиллэр кытаатыахтара. Босхоломмут дьиэлэргэ хомунаалынай хаһаайыстыбалары араарыыга үлэ ыытыллыаҕа. Хотугу тиэрдии систиэмэтэ эмиэ болҕомтото суох хаалбата. Уматык уонна энергетическэй ресурсалары атыылаһыыга уонна тиэрдиигэ кыттааччыларга чэпчэтиилээх кирэдьиит биэрии саҥа мэхэньиисимэ киириэҕэ. Ону тэҥэ биирдиилээн сирдэргэ логистика схемаларын көннөрүү былааннанар.
Сиһилии билсэр сигэ: https://www.sakha.gov.ru/news/5084
СӨ Ил Дарханын уонна Бырабыыталыстыбатын пресс-сулууспата
М.Н.Донской аатынан Өрөспүүбүлүкэтээҕи инбэлииттэр идэтийиилэрин уонна медико-социальнай реабилитацияларын тиэхиньикум-интэринээтигэр 2023 сылтан байыаннай дьайыы 19 кыттыылааҕа…
Киин куораттарга көтөр билиэт сыаната ыараханын бары билэбит. Онуоха чэпчэтиилээх билиэттэр, субсидиялар көмө буолаллар. Бу…
2026 сыл саҕаланыаҕыттан байыастарга 14 тиэхиньикэни ыыппыттар. Бу туһунан нэдиэлэтээҕи брифиҥҥэ "Вместе к Победе!" өрөспүүбүлүкэтээҕи…
Билигин сколиозтаах оҕо олус элбэх. Ол түмүгэр улаатар саастарыгар нүксүччү туттубут оҕолор элбииллэр. Сколиоз ыарыы…
Хас күн аайы хаһаайкалар "киэһэ тугу буһарабын?" диэн толкуйдууллар. Күннээҕи астан киһи түргэнник хал буолар.…
Нерюнгрига киһини өлөрбүт уонна өлөрө сатаабыт дьахтар сууттанна. Сууттанааччы дьахтар аймахтарын кулуттааһыҥҥа атыылаан эрэллэр дии…