Хаартыска: пресс-сулууспа
Алтынньы 1 күнүгэр Өлөөн улууһугар тахсыбыт алдьархайга Өлөөн өрүскэ кытылтан 80 миэтэрэ тэйиччи түөрт киһилээх “Буран” снегоход мууска түспүтэ.
Бу күн итинтэн чугас сиргэ Дьиэ-уот, коммунальнай хаһаайыстыба салаатын үлэ харыстабылыгар уонна баһаартан куттал суох буолууга исписэлииһэ Роман Максимов сылдьыбыта. Кини 12.30 чаас диэки өрүскэ муус ыла сылдьан, өрүһү туоруур снегоход тыаһыырын истибит. Онтон эмискэ муус хайа барар тыаһа уонна дьон хаһыыта иһиллибит.
— Тута массыынаҕа олорбутум. Икки киһи тимирэн эрэрин көрөөт да, нэһилиэк дьаһалтатыгар биллэр диэн кэргэммэр эрийэ охсубутум. Массыынабыттан быа уонна сүгэ хостообутум уонна мууска сытан баран, кинилэр диэки сыыллыбытым. Уолаттар муустан тутуспуттара. Биирдэригэр быаны биэрбиппэр илиитигэр кэлгийэ баайбыта. Миэхэ көмөҕө Прокопий Константинов кэлбитэ, кинини кытары эр киһини ууттан быһаабыппыт. Массыынаҕа киллэрэн ириэрбиппит, — диэн дьоруой кэпсээтэ.
Бу кэмҥэ анараа кытылтан “Набережнай” хочуолунай оператора Владимир Соломонов уонна хас да киһи снегоходунан кэлэннэр, тымныы ууттан иккис киһини хостообуттара.
Быыһаммыт эр дьон ыксаллаах быһыыга-майгыга хорсун уонна дьоруойдуу быһыыны көрдөрбүт биир дойдулаахтарыгар көмөлөрүн иһин махтаннылар. Кинилэр хорсун быһыыларынан дьон олоҕун быыһаатылар диэн «ОДкКХ» ГУП пресс-сулууспата иһитиннэрдэ.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…