Мария Васильева хаартыската, СИА.
Элбэх оҕолоох ыалларга хомунаалынай төлөбүргэ чэпчэтии көрүллэр. Чэпчэтии хомунаалынай өҥөҕө ороскуот 30%-гар тэҥнэһэр.
Ханнык хомунаалынай өҥөҕө чэпчэтии оҥоһулларый?
– олорор дьиэҕэ хомунаалынай өҥөҕө (ол иһигэр кытаанах оттукка);
– социальнай наймылаһыы дуогабарынан;
– хапытаалынай өрөмүөн усунуоһугар.
Ирдэбилэ:
– Социальнай көмөнү ылар бырааптаах, элбэх оҕолоох ыал статуһа баар буолуохтаах (үстэн элбэх, 18 сааһын туола илик оҕолоох, эбэтэр, үөрэнэр, сулууспалыыр буоллахтарына, 23 саастарыгар диэри);
– сайабылыанньа суруллубут кэмин иннинээҕи 12 ыйга хомунаалынай төлөбүр төлөммүт буолуохтаах (кибитээнсийэ ирдэнэр);
– Саха сиригэр бырапыыскалаах олорор дьиэ, кыбартыыра.
Сайабылыанньаны төрөппүттэртэн биирдэстэрэ сылга биирдэ суруйар. Бу төлөбүр 12 ыйга болдьохтоох бэриллэр. Харчы ый аайы “Алмаасэргиэнбаан” “Саха сирин каартатын” счетугар түһэр. Дьиэ кэргэн дохуота манна учуоттаммат.
Холобур, биэс оҕолоох ыал үс хостоох кыбартыыраҕа олорор. Хомунаалынай өҥөҕө ый аайы 13 168 солкуобайы төлүүллэр. 30%-наах толуйууга кинилэргэ ый аайы 3950 солкуобай төннөр.
Сайабылыанньаны 2024 сыл балаҕан ыйын 1 күнүттэн “Мин докумуоннарым” Элбэх өҥөнү оҥорор кииҥҥэ баран, эбэтэр, e-yakutia.ru портал нөҥүө биэриэххэ сөп. Бу көмөнү Субсидия ааҕыныстыбата аныыр. Саайтара: http://subsidii-jku.ru/
Бу толуйуллубут төлөбүр кэлин дьиэ кэргэн дохуотун ааҕарга учуоттанар (холобур, биир кэлим босуобуйаны, хомунаалынай өҥөҕө субсидияны ааҕарга).
Дьокуускайга «Гражданскай уопсастыба: Кыайыы туһугар сомоҕолоһуу» диэн суолталаах пуорум балаҕан ыйын 9-10 күннэригэр ыытыллаары турар. Манна…
Саха сирин тирэх пууннарын үлэһиттэрэ нэдиэлэ устата 18 сырыыны оҥордулар. Ол түмүгэр Саха сириттэн сылдьар…
Дьокуускайдааҕы кадеттар оскуолаларыгар "Юнармия" ыччат, оҕолор байыаннай-патриотическай хамсааһыннарын сүлүөтэ саҕаланна. Сүлүөккэ Алдан, Амма, Бүлүү, Мэҥэ…
Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Аллараа Бэстээх бөһүөлэгэр суолга бензовоз сууллан, паромҥа киирэр суол сабыллыбытын туһунан иһитиннэрэллэр. ДТП тахсыбыт сиригэр…