Хомунаалынай тэрилтэ салайааччытын дьалаҕайыттан оҕо суорума суолламмыта

Былырыын от ыйыгар Дьокуускайга оҕо өлүүлээх иэдээн тахсыбыта. Ол курдук, бэлэсипиэт тэбэн иһэр оҕону цистернэлээх улахан тиэхиньикэ илин куузовынан таарыйан, оҕо суорума суолламмыта.

Холуобунай дьыала матырыйаалларыгар көстөрүнэн, дуоһунастаах сирэй итирик туруктаах киһини тиэхиньикэҕэ олордубут. Кини үлэһитэ итирик туруктааҕын көрбөтөх да, бэрэбиэркэлээбэтэх да. Ол түмүгэр, итирик туруктаах суоппар бэлэсипиэт тэбэн иһэр оҕону үнтү көппүтэ. РФ Холуобунай кодексатын 293 ыст. 2 ч. (дьалаҕай буолууттан киһини өлүүгэ тиэрдии диэнинэн ) дириэктэр эбээһинэһин толорооччуга  тэриллибит Холуобунай дьыала суукка ыытылынна.