Хомурдуос ыһыахха болҕомтону тарта

Бэс ыйын 15 күнүгэр Мэҥэ Хаҥалас Хорообут нэһилиэгэр улуустааҕы Олоҥхо ыһыаҕа икки күн устата буолла.

Бу туһунан улуус баһылыга Дмитрий Тихонов бэйэтин телеграм-ханаалыгар сырдатта: «Саха көлүүр оҕуһа былыр-былыргыттан биһиги өбүгэлэрбитигэр сүрүн үлэ күүһэ этэ, күннэтэ муус, от, хонук мас тиэйиитэ кини көмөтүнэн буолара. Оттон билиҥҥи аныгы кэмҥэ төһө да тиэхиньикэнэн туһаннарбыт, «Хорообут» хаһаайыстыбабытыгар көлүүр оҕуһа күннэтэ үлэлиир, көмөлөһөр. Кини аата Хомурдуос. Оҕус улуустааҕы Олоҥхо ыһыаҕын арыллыытыгар кыттыыны ылан, үгүс дьон сэҥээриитин ылла.

Сүөһү, сылгы иитиитэ — бу биһиги сүрүн төрүт дьарыкпыт. Быйылгы сайыммыт быйаҥнаах, өлгөм үүнүүлээх, үтүө көрдөрүүлэрдээх буоллун».

Сиһилии @dmitriytikhon0v сигэнэн киирэн билсиҥ.