Хомус түмэлин тус архыыбын хаартыскалаоа
Бу докумуон историческай суолталаах. Ол курдук, хомус сайдыытын улуустарга арыйарга кыах биэрэр. Стратегическай суолталаах сөбүлэҥ түһэрсиитэ хомус муусука инструменын быһыытынан суолтатыгар сытар. Сөбүлэҥи Хомус киинин түмэлин дириэктэрэ Дмитрий Бястинов уонна Сунтаар улууһун баһылыгын солбуйааччы Борис Васильев түһэристилэр.
Бу туһунан дириэктэр Дмитрий Бястинов санаатын үллэһиннэ:
— Биһиги хомуһу сайыннарар туһуттан улуустары, эрэгийиэннэри, дойдулары кытта ыкса үлэлэһэбит. Бу сөбүлэҥ сүрүн суолтата — улуус таһымыгар хомуһу сайыннарыыга туһуламмыт үлэ ыытыллыыта буолар. Буоларын курдук миэстэтигэр хаһан баҕарар хомуһу энтузиаст эрэ дьон сайыннарарга дьулуһар. Сунтаар улууһугар маннык киһинэн Антонина Константиновна Никитина буолар. Кини элбэх сыллар усталара көхтөөхтүк хомуһу сайыннарыыга үлэлэһэр. Онон биһиги Сунтаар улууһугар улахан махталбытын биллэрэбит. Антонина Константиновнаны өйүүр, бииргэ үлэлэһэр дьон улууска элбэх.
Сунтаар улууһун баһылыгын солбуйааччы Борис Васильев бэлиэтииринэн, бу сөбүлэҥ түһэрсиитэ хомус үтүө үгэһин кэлэр кэнэҕэски ыччакка тиэрдэргэ суолталаах.
Сөбүлэҥ сүрүн суолтатын туһунан Хомус киин түмэлин төрүттээбит Иван Алексеев — Хомус Уйбаан:
— Биһиги хомуһу тыһыынчанан сыллар усталара билэбит. Сыаллаахтык-соруктаахтык 30 тахса сыл үлэлээтибит. Биһиги хас хамсаныыбыт хомус кистэлэҥин таайарга чугаһатар. Хомус тыаһа ураты эньиэргийэлээх, — диэтэ.
Бу докумуон Ил Дархан Айсен Николаев дьаһалынан, 2030 сылга диэри култуура бэлиитикэтин кэнсиэпсийэтигэр олоҕуран түһэрсилиннэ.
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…