“Культурно-образовательное событие «Хомусный код” бырайыак СӨ Ил Дарханын граныгар кэммиэрчэскэйэ суох уопсастыбаннай тэрилтэлэр куонкурустарын кыайыылааҕынан буолар.
Бырайыагы култуураны, муусуканы билиһиннэрэр уонна оҕолору хомуска тардарга үөрэтиини киэҥник тарҕатар “Хомус” эрэгийиэннээҕи уопсастыбаннай тэрилтэ Хомус аан дойду норуоттарын түмэлин уонна киинин кытта үлэлэтэр. “Хомусный код” бырайыак өрөспүүбүлүкэ оскуолаларын үөрэнээччилэригэр култуура уонна үөрэхтээһин ситимнээх ураты эйгэтин тэрийэр туһунан идиэйэни олоххо киллэрэр соруктаах. Бу эйгэ үүнэр көлүөнэни хомуска тардыы олохсуйбут үгэһин ускуустубатын кытта билиһиннэриэхтээх.
Бырайыак хамаандата Д.Д. Бястинов, М.И. Ковлекова, Т.А. Жиркова, А.П. Деллохов, Н.И. Ефимов бырайыак сүрүн үлэтин сырдатан кэпсээтилэр:
— Бырайыак чэрчитинэн номнуо аҕыс улууһу хабан үлэлээтибит. Балаҕан ыйын бүтүүтүттэн Уус Алдан улууһун Мүрү 2-с нүөмэрдээх оскуолатыттан саҕалаабыппыт. Салгыы алтынньыга Алдан, Нерюнгри, сэтинньигэ Амма, тохсунньуга Мэҥэ Хаҥалас, олунньуга Чурапчы, Томпо, Өймөкөөн улуустарын хаппыппыт уонна бу нэдиэлэ бүтүүтэ Уус Маайаҕа бараары сылдьабыт. Бырайыак Таатта улууһунан түмүктэниэхтээх.
Бырайыакка, уопсайа, түөрт бөлөҕүнэн хомус эйгэтигэр ааттаах-суоллаах уон педагог үлэлэһэ сылдьар. Холобур, киин улуустарга үстүү киһилээх бөлөх тахсар, хоту улуустарга икки педагог барар уонна барытыгар видеограф, фотограф баар.
Улуустарга үс күн үлэлиибит. Бастакы күҥҥэ улуустааҕы үөрэх управлениетын, оскуола кэлэктииптэрин, волонтердары кытта тэрээһин үлэ уонна икки күн үөрэҕи тэрийии. Былаан быһыытынан улуус аайы икки сүүстүү оҕону хабыахтаахпыт. Билиҥҥи туругунан көрдөххө, киин улуустарга, чуолаан Чурапчы, Мэҥэ Хаҥалас улуустарыгар үс сүүстэн тахсалыы оҕону хомуска үөрэттибит. Сорох улуустарга 170-180-нуу оҕо үөрэннэ.
Саха сирин 12 биллэр-көстөр хомус ууһун өйөбүлүнэн, бырайыак иһинэн анал байыаннай эпэрээссийэ кыттыылаахтарын оҕолоругар улуус аайы сүүрбэлии хомус бэлэх быһыытынан туттарылынна.
Бырайыак чэрчитинэн Саха сирин 2000 оскуола саастаах оҕото хомус кэрэ эйгэтигэр уһуйуллуохтаах. Күн бүгүн үлэ былаан быһыытынан баран иһэр диэн тэрийээччилэр этэллэр. Бырайыагы Саха сирин дьоно-сэргэтэ, оскуола кэлэктииптэрэ, үөрэнээччилэр олус биһирээннэр, салгыы ыыта турарбытыгар олус элбэх санаа этилиннэ диэн бэлиэтииллэр.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…